Ulttyq ekonomıka mınıstri Tımýr Súleımenov seısenbide ótkizilgen úkimet otyrysy barysynda «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasyn júzege asyrý barysy týraly baıandady dep habarlaıdy Qamshy.kz aqparat agenttigi QR premer-mınıstriniń baspasóz qyzmetine silteme jasap.

«2017 jyly «Bıznestiń jol kartasy 2020» baǵdarlamasyn júzege asyrýǵa respýblıkalyq búdjetten 49,1 mlrd. teńge bólindi, onyń 30 mlrd. teńgesi jalpy sıpattaǵy transfertter arqyly qarastyrylǵan. Ótken jyldyń qorytyndylary boıynsha Biryńǵaı baǵdarlamanyń qatysýshylary 204 mlrd. teńge somasynda salyq tólegen, ónimniń jıyntyq paıdasy 3,3 trln. teńgeni qurady,  47,5 myń jumys orny saqtaldy jáne quryldy», – dedi Súleımenov.    

Ol búgingi kúni syıaqy mólsherlemesin sýbsıdıalaýdyń esebinen 1 024 kásipker óz jobalarynyń qarjylandyrý sharttaryn jaqsarta alǵanyn atap kórsetti. Arzandatylǵan nesıeler somasy 90,1 mlrd. teńgeni qurady. Berilgen sýbsıdıalardyń jalpy kólemi 17,5 mlrd. teńgeni quraıdy.

«505 kásipker 17,1 mlrd. teńgege nesıeler boıynsha kepildeme alýǵa qol jetkizdi. Kepilderdiń jalpy kólemi 6,8 mlrd. teńgeni qurady. 15 mlrd. teńge somasyndaǵy 24 shaǵyn jáne orta kásipkerlik sýbektilerine jetispeıtin ınfraqurylym júrgizildi. Jańa bıznes bastamalaryn júzege asyrý úshin 221,4 mlrd. teńge somasyndaǵy 114 memlekettik grant berildi», – dedi mınıstr. 

Budan basqa, 14 myń jańa jáne jumys istep jatqan kásipkerler bıznes-tájirıbelerden ótti jáne kásipkerlik negizderin oqyp úırendi.

Onyń aıtýynsha, aǵymdaǵy jyly jalpy sıpattaǵy transfertter kólemi týraly Qazaqstan Respýblıkasy Zańynyń aıasynda sýbsıdıalaýǵa, nesıelerdi kepildendirýge jáne memlekettik granttardy berýge oblystardyń, Astana jáne Almaty qalalarynyń jergilikti búdjetterinde shyǵyndar kózdelip otyr. Atalǵan ózgerister jergilikti atqarýshy organdardyń jumysyn búdjet qarajatyn paıdalanýdyń tıimdiligin arttyrýǵa baǵdarlaıdy.

«Aǵymdaǵy jyly aldyńǵy jyldarǵa qaraǵanda búdjettik qarajatqa qosymsha qajettilikter jergilikti búdjetterdiń esebinen qarjylandyrylýda. İstiń mundaı betalysy ákimdikterdi neǵurlym naqty esep júrgizýge jáne kásipkerlerdiń naqty jobalaryna qarjy bólýge yntalandyrady. Bul múmkindikterdi qazirdiń ózinde Almaty, Jambyl, Soltústik Qazaqstan jáne Ońtústik Qazaqstan oblystarynyń ákimdikteri paıdalanyp otyr, bularda 2,5 mlrd. teńge kóleminde qosymsha qarjy bólingen», – dedi mınıstr.

Onyń aıtýynsha, ekonomıkany nesıeleýdiń ishki naryǵyndaǵy aǵymdaǵy jaǵdaı baǵdarlamaǵa tujyrymdamalyq ózgerister engizýdi talap etedi. «Nesıeler boıynsha qubylmaly syıaqy mólsherlemesin engizý. Búginde ol boıynsha sýbsıdıalaý júzege asyrylatyn nesıeler syıaqysynyń nomınaldyq mólsherlemesiniń shekti kólemi 19%-dan aspaýy tıis. Bul rette, qaryzdyq qarajattardyń ózindik qunynyń baǵdary bolyp tabylatyn Ulttyq banktiń bazalyq stavkasy 10,5%-dy quraıdy. İs júzinde qazirgi kezeńde memleket nesıe qarjylarynyń qunyn edáýir artyq tólep otyr», – dedi Súleımenov.

Budan basqa, 180 mln.-ǵa deıingi nesıelerdi sýbsıdıalaý kezinde ÓÚK-ti qatystyrmaý usynylyp otyr. «Búginde 180 mln. teńgege deıingi nesıelerdi ÓÚK-siz kepildendirý tájirıbesi bar. Bul berilgen nesıeler sanyn osyndaı ózgerister engizilgen kúnnen bastap eki eseden astam ulǵaıtýǵa múmkindik berdi», – dedi Súleımenov.

Onyń aıtýynsha, shaǵyn jáne orta kásipkerlik sýbektileri úshin nesıeler boıynsha syıaqy mólsherlemesin sýbsıdıalaý merzimin qazirgi 3 jyldan 5 jylǵa deıin uzartý usynylyp otyr.  

Biryńǵaı baǵdarlamadan sondaı-aq iri kásipkerlik sýbektilerin alyp tastaý usynylýda. «Óńirlerdegi búdjettik qarajattyń jetispeýshiligi iri kásipkerlik sýbektileriniń aýqymdy jobalaryna memlekettik qoldaý kórsetýdiń esebinen oryn alyp otyrǵanyn atap ótý qajet», – dedi mınıstr.  

«Usynylyp otyrǵan ózgerister memlekettik qoldaý sharalaryn muqtaj shaǵyn jáne orta kásipkerlik sýbektilerine qaıta baǵdarlaıdy, 180 mln. teńgege deıingi kásipkerlik jobalary boıynsha qabyldanǵan sheshimderdiń jedeldigin arttyrady dep oılaımyz», – dedi Súleımenov.