Bilim berý organdarynyń derekteri boıynsha, QR-da mektepteri joq 1580 eldi meken bar (2016 jyly – 1539 aýyl) dep habarlaıdy Qamshy.kz aqparat agenttigi.

Onda tasymaldaýdy talap etetin mektep jasyndaǵy 27 243 bala turady (2016 jyly – 22 788 bala). Olardyń ishinde:

– tasymaldaý 26 551 (97,4%) oqýshylar úshin (2016 jyly - 22 278 (97,7%) uıymdastyrylǵan, onyń ishinde 23 197 bala mektepke deıin jáne keri qaraı kúndelikti tegin jetkizýmen qamtyldy, 3 354 mektep janyndaǵy ınternattarda turady;

– 814 (2,6%) oqýshy tasymaldaýmen qamtamasyz etilmegen (ózderi jetedi, páterlerde, týystarynda turady) (2016 j. – 510 (2,3%): Qyzylorda oblysynda (83 oqýshy nemese osy eldi mekenderde turatyn oqýshylardyń jalpy sanynan 13,6%-y), Shyǵys Qazaqstan (249 oqýshy, 6,3%), Qostanaı oblysynda (164, nemese 3,8%).

Balalardy mektepke 823 avtobýspen, onyń ishinde 2016 jyly satyp alynǵan 23 avtobýspen jetkizedi.

Aıta keteıik,  «Bilim týraly» QRZ sáıkes eldi mekende mektep bolmaǵan jaǵdaıda bilim alýshylardy taıaýdaǵy mektepke deıin jáne keri qaraı tegin jetkizip salýdy uıymdastyrý jergilikti atqarýshy organdarynyń quzyretine jatady jáne joǵaryda atalǵan shyǵyndar jergilikti atqarýshy organdarynyń esebinen júzege asyrylady.