Ekonomıka salasyndaǵy Nobel syılyǵynyń laýreattary qarjy áleminiń jańa daǵdarysqa daıyn emes ekenin aıtyp, sondaı-aq eýronyń bolashaǵyna alańdaýshylyq tanytyp otyr, dep jazady Qamshy.kz aqparat agenttigi.

Olardyń pikirinshe, jaǵdaıdyń qalaı órbıtini saıasatkerleriń jańa ózgeristerge degen áseriniń qandaı bolatynyna baılanysty.

«Eger Vashıngtondaǵy amerıkalyq ákimshilik baqylaýdy jiberip alsa, daǵdarystyń ornaıtyny da anyq», – dedi 2007 jylǵy laýreat Erık Maskın.

Laýreattardyń aıtýynsha, jahandyq sandyq jelilerdegi qarjy daǵdarysyna daıyndyqqa talpyný – ıllúzıa ǵana.

«Bul máselelerdi baqylap, sondaı-aq basqaryp otyratyndaı bizde qural-jabdyqtar joq. Sol sebepti qarjy daǵdarysynyń bolatyny kúmánsiz», – dedi 2000 jylǵy Nobel syılyǵynyń laýreaty Denıel Makfadden.

Ekonomıser eýroǵa qatysty jaǵdaıdyń da máz emes ekenin jetkizdi.

«EO qazynalyq saıasatty engizip, álsiz memleketterdiń ekonomıkalyq toqyraýymen kúrese alǵan jaǵdaıda ǵana eýro bir qalypty saqtaıtyn bolady», – dedi Makfadden.

Sondaı-aq Reseı ekonomıkasynyń keleshekte jahandyq damýdyń sońyna ilese almaı qalýy múmkin ekenin málim etti.