Aqyn Ardaq Oshannyń óleńderin nazarlaryńyzǵa usynamyz.

Beıneńdi kórgenimde sonadaıdan, Bir jalyn ón-boıymdy orap alǵan, . Taǵdyrǵa nálet aıtam adastyryp, Ózińdi ózge menen jarastyryp, Tyrdaı ǵyp baqytymdy tonap alǵan. Sen nege basqa qyzdan dara týdyń? Aqynnyń jaılap aldy sanasyn muń. Ózińdi kórý de azap kórmeý de azap, Kúıi ketken kóńildi kúıik qajap, Qaqpandaǵy qasqyrdaı alasurdym. Meni saǵan, bireýge telip seni, Ótti ǵoı basymyzdan kóp is tegi. Meni atarǵa qaltańda oǵyń bolmaı, Saǵan qanjar silteýge qolym barmaı, Qanjyǵada júrmiz-aý kórskeli. Taǵdyrdyń ekeýimizdi qospaǵany, Máńgilik mahabbatty joqtaǵany. Býynyp ólgel júr dep burymyńa, Túk tappaı maǵan kelip urynýǵa. Dushpannyń batady eken ottaǵany. Jamylyp ap perdesin qara túnniń, Terezesin janyńnyń qaǵatynmyn. Jigit bolsań dos bolyp keteredik, Talaı tatty armanǵa jeter edik, Áıel bolyp nesine jaratyldyń. *** Saǵyndym, sende saǵyndyń, Búldirip ketti baryn kim? Bolmstyń qatal zańyna, Baǵyndym, sende baǵyndyń. Ómirdiń ózi kók zańǵar, Túsinbeı ketti kóp jandar. Birine-biri baılanǵan, Saǵynysh penen armandar. Toltyryp muńǵa qaltańdy, Kúdik kep júgin artady. Sol shaqta arman saǵynysh. Senimdi alǵa tartady. Jonyńa shyǵyp jorǵa muń, Túskende qusyń torǵa myń, Sol kezde alǵy kúnderdi, Saǵynbaı júrseń sorladyń. Syrǵyıdy bastan sary qys, Jadyraý menen jabyǵys, Saǵynsań baryn saǵynǵyn, Ómirdiń ózi saǵynysh. ***

Qas qaraıyp barady, qas qaraıyp, Nege otyrsyń janardy jasqa malyp. Batar kúnniń aqyrǵy araıyndaı, Kókirekte bir oıdyń jatqany anyq. Óshti sáýle belden de belesten de, Ekeý ara bolared keńeskenge. Qaltyraǵan sezimde ne san bolsyn, Kókirekten sup-suyq jel eskende. Ne aıtasyń men saǵan ne aıtamyn? Aıta bersem páleni ulǵaıtamyn. Bebeýlegen sezimge daýa tappaı, Bilip turmyn búginde qur qaıtamyn. Qas qaraıyp barady, qas qaraıyp, Qas pen birge otyrsyń tas qaraıyp, Mahabbattyń baǵyna órit ketkendeı, Jaman yrym janym aý bastamaıyq. *** İńkár qylyp kózǵarasyń, kúlisiń, Men ózińdi dep júrýshi em yrysym, Qapıada adastyryp ketkende, Bir shyndyqty sezdi meniń qý yshym. O bireýdi qulaı súıý qurysyn. Barlyq baqyt mende edi sen kútken, Súısem dep em bir ǵajaıyp erlikpen. Men qalaıda Kebek bola alar em, Nege Eńilik bola almadyń Eńńlik sen, Úmitimdi ketkeniń-aı jer ǵyp sen. Jeteginde sen ketkende basqanyń, Mendaǵy bir kózsiz erlik bastadym, Saǵan degen mahabbatty shyr etken, Túsik qylyp túsirdim de tastadym, Qajalamaı qaıǵy muńnyń qaspaǵyn. Endi erkiń syna meıli synama, Bastan keshpeı baryn adam uǵama, Seni ańsaıtyn sol alǵashqy mahabbat, Jer betinen tabylmaıdy siráda, O jaratqan jaza kórme kúnáǵa... *** Áli esmide bir qyzyq keshe kórgen, Mashına kóp zaýlaıtyn kóshelerden. Quny bes júz myń somdyq mashınaǵa. Soǵylyp bes myń somdyq esek ólgen. Qanǵa batqan qaýmalap aqymaqty, Kóp adamnyń bul isge basy qatty. Tort kóshe de tyraıyp jatqan sabaz. Tórt-bes saǵat bógedi qatynasty. Mashına tur tumsyǵy japyrylǵan, Iesi tur jarylyp ashýynan. Esek jatyr erligin bir kórsetip, Myna álemdi keltirmeı asyǵynan. Tilshi keldi kóterip apparatyn, Saqshy keldi shoferden aqy alatyn. Orta qorǵaý orny da daıar boldy, Janýardy baqıǵa aparatyn. Kim oıynda dalada qara ot jegen, Esek qańǵyp qalaǵa kelet degen. Sol esektiń ataǵy ketti alysqa, Televızor keshkilik gazettermen. Osy habar dúr etip taraǵanda, Paıda boldy tosyn oı bar adamǵa, Erkekshe óldi deımizbe sol esekti, Qasqyr jegen esekke qaraǵanda? ***

Áli esimde Erentaýdyń sol byr jylǵy kóktemi, Sol kóktemde meniń bala mahabbatym kóktedi, Kók tóbege kók aspannan kún kúlimdep tóngende, Jaǵalaýǵa jypyrlaǵan bal quraqtar óngende, Kórshi qyzdyń kólbeńdegen kók kóılegin kórgende, Solaı qaraı úmtilýshed yntǵýshed ór keýde. Jaılap ǵana jyrtyp alyp óleń jazǵan dápterden, Uıalǵannan óle jazdap qyzǵa tuńǵysh hat bergem. Sonda maǵan nasyp bolyp aıqara ustaý ash belden, Mahabbattyń balyn iship úıge tuńǵysh mas kelgem. Sol kóktemniń bizge tartqan syıyna qun jetpeıtin, Baqyt bizdiń basymyzdan alys ushyp ketpeıtin, Birimizdi-bireýimiz jolymyzdan tosyp ap, Qoıymyzdy jaıatynbyz qońyr dóńde qosyp ap. Jar jaǵalap oınaqtaıtyn laǵymyz-qozymyz, Soǵan qarap maz-maıram bop otyryýshek ózimiz. Sol kóktemde taı-taı basqan balalyqty joǵalttym, Sol kóktemde kórshi qyzǵa janarymnan oq attym. Sol kóktemde sezdim tuńǵysh qyz erninde bal baryn, Sol kóktemde tuńǵysh ret aıta almaımyn arjaǵyn. Jaısań jazǵa sheship berip gúl-báısheshek shekpenin, Qýanyshta baıqamappyz erke kóktem ótkenin, Aı aıańdap Erentaýǵa túsi sýyq kúz keldi, Qarashanyń qara bulty eki aıyrdy bizderdi, Kúzben birge kórshi aýyl kóship ketti alysqa. Janarymnan jas tógildi tyrtyssamda namysqa. Sodan bastap jek kóremin Erentaýdiń sur kúzin, Qushaǵymnan alyp qashqan kók kóılekti qyr qyzyn. Armanymdy ap kelerdeı alystaǵy ańsaǵan, Erentaýdiń ar kóktemin saǵynshpen qarsy alam. ***

Qara taýdyń basynan kósh keledi, Degen áýen salady eske neni? Alash tekti arqaly er qazaǵym, Atajurtqa kóshkeısiń kóshseń endi. Tilińde aman turǵanda basyńda aman, Attyń basyn elge bur ańqyldaǵan. Shette júrgen qazaqtyń ul qyzdary, Kúndiz-túny saǵynyp jatyr dalań. Aýyr kúnder kótertpeı ór eńsesin, Qanǵa batqan qaýsyryp kireýkesin. Ata-babań qanshalyq armandap ed, Dál búgingi kók týdyń kóleńkesin. Aq Jaıyǵy, Arqasy, Atyraýy, Bar qazaqty qoınyna shaqyrady. Tamyrynda qazaqy qany bar jan, Ata jurtqa jetkenshe asyǵady. Kelgen shyǵar kezimiz sózdi uǵatyn, Ata jurtty arqaly eldi uǵatyn. Óz otanyń turǵanda ózgelerdiń, Qabaǵyna jaýtańdap ne ǵylasyń ? Otan dese ózegi otalatyn, Qazaǵymnyń birlgi bosamasyn. Bóten eldiń syılaǵan qaq tórinen, Atajurttyń artyq qoı bosaǵasy. Qara taýdyń basynan kósh keledi, Kóshken elge bereıin kók tóbemdi. Alash tekti arqaly er qazaǵym, Atajurtqa kóshkeısiń kóshseń endi.  

Alǵysyn ap talaı-talaı kisiniń, Janǵanyna rıza bop isiniń. Ákem meniń atyp alyp arlanyn, Úıge ákeldi qasqyrdyń bir kúshigin. Umytsyn dep jyrtqysh tegin keshegi, Aýyzyna pysqan tamaq tósedi. Úıirlessin adamdarǵa dep oılap, Kúnde bir jol aralattyq kósheni. Maldy kórse jaǵalasyp alysyp, Qolǵa múlde kóner emes qarysyp. Taý basynan ulyǵanda kókjaldar, Ol aýyldan ún qosady jarysyp, Ańsaǵandaı alyp qoınyn ormannyń, Eki kózi úreıin ap kóp jannyń. Kúz kelgendebóltirigim eseıip, Ózi boldy qanjar azý kókjaldyń. Jan balasy túsinbeıtin bir túrli, Bóltiriktiń janarynda muń tundy. Qolǵa endi úırendi aý dep júrgende, Bárimizdi ketti ókintip bir túni. Bár toqtyny tamaqtan ap óltirip, Kómekeıin ystyq qanǵa toltyryp. Shynjyrynan bosap ketken sátinde . Jalǵyz túnde ǵaıyp bopty bóltirik. Ketti ǵoı ol jasaý úshin tik turyp, Bizgede bir ulylyqty uqtyryp. İstelsede talaı aldaý-arbaýlar, Tabyıǵatyn umytpaýy myqtylyq.  

Jeksenbi men senbiden paıdalanyp, Taýǵa baryp keleıin taýǵa baryp. Kórshilerim aman-saý jatyrma eken, Kósh aldynan shyǵatyn aıran alyp. Áli esimde, barlyǵy áli esimde, Samaladaı syrǵaýyl tóbesinde. Aýnap-qýnap bir túnep qaıtaıyn da, Ákem marqum sap ketken aǵash úıde. Taǵdyryma qaradaı buldanǵansha, Búginimniń soqpaǵyn tyńnan jasap. Bozaıǵyrdyń bozala úıirine, Ashy tógip qaıtarmyn tym bolmasa. Betkeıinen shyl shýlap, ular ushqan, Búgin biraq aramyz tur alystaý. Biz kóshkende qalyp ed jetimsirep, Bala kúndi urlaǵan kary qystaý. Qarly taýdyń qaharly qatparynda, Oınap ósken jigit em at jalynda. Bóriniń de daýysyn saǵynamyn, Beıqut úıde qamalyp jatqanymda. Bary esimde, qoınaýy betkeıi de, Tanys edi qarǵasy, kepteri de. Ata qonys alańdap jatyrma eken, Alty aı qysta bir barmaı ketkenime. Taýǵa baryp keleıin taýǵa baryp, Taýda qalǵan taǵdyrym tańbalanyp. Taýda ósken qazaqtyń júreginiń, Taýǵa qarap ulýy aıdan anyq. *** Kúnderge qamshy basyp eńistegen, Este joq elge usynar jemis degen. Jyrymdap ǵumyrymdy jep jatyrmyn, Átteń-aı, ne istegem, ne istegem? Terbegen aıalaǵan tolystyrǵan, Tosyn tuǵyr etegin qonys qylǵan. Týǵan elge kúni erteń esep bersem, Eshtememde joq eken ońyp turǵan. Jebedeıin úzilgen saǵasynan, Eski tondaı aırylǵan baǵasynan. Óleńimdi usynsam bolar edi, Kimge tańsyq óleńiń shala týǵan. Taǵy nem bar oılaıyn qıaldaıyn, Mynaý elge qanshalyq syı arnaımyn. Ánderimdi usynsam bolar edi, Qaı qulaqqa jaǵady qur aıǵaıyń. Qur kúıbeńge aldanyp, bolmashyǵa, Qalǵamyn ne ǵumyrdyń kózjasyna. Aqyl aıtsam bolared erteńi úshin, Biraq aqyl jetpeı jur óz basyma. Tulparymdy tynymsyz kósildirgen, Qara jolǵa qadalyp kóshim júrgen, Mynaý elge beretin túk taba almaı, Otym shyǵyp betimnen otyrmyn men. Daıyndaǵan: Erlan Tóleýbaı