Úndeme!

Danagóı qarttan tálim alýǵa kelgen jas jigit: 
– Aqsaqal, maǵan tapsyrma berińizshi, - dedi. 
– Úndeme! 
– Túsinbedim. 
– Tapsyrma sondaı. Úndeme! Bir táýlik boıy jaq ashpa. 
– Jaraıdy, jaı ǵana úndemeı júrý degen qıyn emes qoı... 
– Al sen baıqap kór! Maǵan mundaı tapsyrma berilgende jarty saǵat ta shydamaı, sóılep qoıyp, keıin aýzymdy alaqanymmen jaýyp júrgen kezderim de bolǵan. Al ýaqyt óte kele kóp jaǵdaıda sóz shyǵyndap, sóz talastyrǵansha, úndemeı-aq bar báleden qutylýǵa bolatynyn uqtym. Únsizdiktiń keıde tipti janyńa tynyshtyq syılap, aıqaı-shý men talas-tartystan boıyńdy aýlaq ustaıtynyn túsindim. Buǵan meniń etim úırendi. Jónsiz sóılemeýdiń, keıde múlde úndemeı qalýdyń paıdasy mol eken. Ózińe senimińdi arttyrady, sabyrly bolýdy úırenesiń, tereń oılap, shalt qımyl jasamaýǵa ádettenesiń, janǵan ottaı lap ete qalatyn boıyńdaǵy jaman daǵdylardan arylasyń, jaman oıdy tejeısiń. Munyń ózi – túsingen adamǵa mol tálim-tárbıe! – dedi qart.

Paıǵambarymyz (oǵan Allanyń ıgiligi men sálemi bolsyn): Kim Allaǵa jáne Aqyret kúnine ıman keltirse, jaqsy sóz sóılesin nemese úndemesin, – degen.