Joǵary oqý ornyna aqyly túrde túsýdiń balamaly nusqasyn engizý sapanyń tómendeýine alyp keledi. Bul týraly Qamshy.kz aqparat agenttigi QazAqparatqa silteme bere otyryp jazady. 

«Aq jol» partıasynan talapkerlerge joǵary oqý ornyna túsý úshin Ulttyq biryńǵaı testileýden basqa balamaly nusqa engizý týraly usynys joldandy. Bul usynys «Aq jol» jáne «Nur Otan» partıalarynyń QR Parlamenti Májilisi depýtattarynyń qatysýymen bilim jáne ǵylym, balalar quqyǵyn qorǵaý máseleleri jónindegi qoǵamdyq keńeste birneshe ret qarastyryldy», - dep atap ótilgen QR BǴ mınıstrlik málimetinde.

Osy oraıda QR BǴM bul usynys pedagogıkalyq jáne ata-analar qoǵamymen de jan-jaqty talqylanǵanyn, qoǵamnyń kózqarasy birmándi emestigin habarlady. «Qoǵamnyń kózqarasy boıynsha joǵary oqý ornyna aqyly túrde túsýdiń balamaly nusqasyn engizý sapanyń tómendeýine ákelip soǵady. Osyǵan baılanysty aldaǵy 2018 jyly UBT-nyń joǵary oqý ornyna túsýge arnalǵan qazirgi formaty saqtalatyn bolady», - delingen vedomstvo habarlamasynda.

Budan buryn habarlanǵandaı, «Aq jol» partıasy elimizdiń joǵary oqý oryndarynyń aqyly bólimine túsetinder úshin ulttyq biryńǵaı testileýdi alyp tastaý týraly bastama kótergen bolatyn.