Bilim jáne ǵylym mınıstrliginiń "Ulttyq testileý ortalyǵy" RMQK dırektory Ramazan Álimqulov aldaǵy Biryńǵaı testileýge daıyndyq týraly aıtyp berdi, - dep habarlaıdy Tengrinews.kz. 

"Bıyl test tapsyrmalarynyń bazasy 50 paıyzǵa jańardy. Byltyr 80 myń test tapsyrmasy bolsa, bıyl - 120 myń. 11 paıyzy  fýnksıonaldyq saýattylyqty anyqtaýǵa baǵyttalǵan. 37 paıyzynyń bir nemese birneshe durys jaýaby bar. Mundaıdy byltyr engizgenbiz. Bul pándi tereń túsinýge, qurǵaq jaýaptardy jattap alýdan saqtaıdy. Bul bitirýshiniń oılaı alýy úshin jasalǵan", - deıdi Álimqulov mınıstrlik alqasynyń keńeıtilgen otyrysynda. 

Onyń sózinshe,  2018 jyly UBT tapsyrý erejeleri ózgeredi, alaıda, test tapsyrýshylardyń yńǵaılyǵy úshin azdaǵan ózgerister jasaldy. UBT bes pán boıynsha ótedi: úsh mindetti jáne ekeýin tańdaýǵa bolady. 

"Aýyryp qalsa ne basqa da negizdi sebepter týyndaǵanda qalada basqa da tapsyrý pýnkteri bolsa, bitirýshi sol lekpen, qabyldaý komısıasynyń sheshimimen tapsyra alady. Bitirýshi bir pýnkke bekitiledi, qandaı da bir sebeppen óziniń pýnktinde tapsyra almaı qalsa, kelesi kúni basqa pýnktke baryp, sonda tapsyrady. Óıtkeni óziniń pýnkti jabylyp qalady. Buryn bitirýshi basqa pýnkte tapsyra almaıtyn, óıtkeni, baqylaý-ólsheýshi materıaldar bekitilgen pýnkte ǵana basyp shyǵarylatyn", - dep aıaqtady sózin Ramazan Álimqulov.