Sybaılas jemqorlyqqa qarsy is-qımyl ulttyq búrosymen Qazaqstan Respýblıkasynyń energetıka mınıstrliginiń laýazymdy tulǵalarynyń qylmystyq is-áreketiniń joly kesildi dep habarlaıdy Qamshy.kz aqparat agenttigi.  
Energetıka vıse-mınıstri Sádibekov «Aımaq» JSHS merdiger uıymynyń basshysymen qylmystyq kelisimde Shýchınsk-Býrabaı kýrorttyq aımaǵyndaǵy kóldi tazartýǵa bólingen asa iri kólemdegi búdjettik qarajatty jymqyrǵan.
Sonymen qatar, qylmys jasaýǵa Energetıka mınıstrliginiń departament basshysy J.Nurbekov jáne merdigerlerdiń ókilderi S.Jumalınov jáne B. Qadyrberlın qatysqan.
Sádibekovpen qol qoıylǵan jalǵan aktiler boıynsha Energetıka mınıstrligimen 2017 jyly kólemi asa arttyrylǵan atqarylǵan jumystarǵa jalpy somasy 3,6 mlrd teńge tólengen.
Atalǵan qarajattyń 1 mlrd teńgesi qolma-qol alynǵan jáne jymqyrylǵan. Ol qarajat tintý barysynda tabylyp, alynǵan.
Budan bólek, 2018 jylǵa kóldi tazartýǵa bólingen 1,5 mlrd aqsha qarajatynyń jymqyrylýy toqtatyldy.
Sádibekov, Nurbekov, Dýanbek, Jumalınov jáne Qadyrberlın ustaldy.
Sotqa deıingi tergeý júrgizilýde.