Túrkimenstan prezıdenti 8 naýryzǵa qarsy áıelderge 11 dollardan aqshalaı syılyq bermekshi. Bul týraly jergilikti BAQ habarlady.
Halyqaralyq áıelder kúnine oraı prezıdenttiń qarjylaı syılyǵy bıyl Túrkimenstannyń ortalyq bankiniń resmı baǵamy boıynsha 40 manat nemese 11,4 AQSH dollaryn quraıdy.
28 aqpanda el prezıdenti 2018 jyldyń 1-6 aralyǵynda áıelderge saltananatty túrde aqshalaı syılyq tabystaý týraly buıryqqa qol qoıdy.
Resmı baspasózdiń málimetine súıensek, syılyq kásiporyndarda, mekemelerde, túrli uıymdarda jumys isteıtin, sondaı-aq zeınetaqy men memlekettik járdemaqy alatyn áıelderge beriledi. Stýdentter men oqýshylar da syılyqsyz qalmaıdy.
40 manat kólemindegi prezıdenttiń syılyǵy eldegi áıelderge jyl saıyn beriledi. Syılyqty tabystaý rásimi memlekettik televıdenıe arqyly kórsetiledi.
