"7-20-25" ıpotekalyq kredıt berý baǵdarlamasy mamyrda bekitiledi dep josparlanyp otyr. Bul týraly Ulttyq bank tóraǵasynyń orynbasary Oleg Smolákov úkimet otyrysynan keıingi brıfıń kezinde málimdedi, - dep habarlaıdy Tengrinews.kz. 

"Jyl ortasynda daıyndyq sharalary tolyq aıaqtalyp, ary qaraı kredıt bere bastaımyz degen oıdamyn. Bul kredıtterdiń alǵashqy pýly qalyptasqannan keıin, bizge qarasty uıym bul kredıtterdi satyp alady, ıaǵnı, mehanızm iske qosylady", - deıdi Smolákov. 

Onyń sózinshe, baǵdarlamany bekitý mamyrǵa josparlanǵan. 

"Qatysatyn bankterdiń qarjylyq jaǵdaıy eskeriledi. Bankter jylyna 70-80 mıllıard teńge ıpoteka beredi. Baǵdarlamany iske asyrý arqyly bul keminde 30-40 paıyzǵa artady", - deıdi ol. 

Smolákovtyń sózinshe, jańa baǵdarlama qurylysqa táýeldi emes, biraq, jumysyn "7-20-25" sharttaryna sáıkes keletin páterler boıynsha "Nurly jermen" úılestirip otyrady.  

"Kredıttiń maksımal kólemi anyqtalady. Kredıtke 20 mıllıon teńge alynsa, úlken qalalardaǵy páter baǵasy, onda kredıt alýshy aıyna 140 myń tóleýi kerek bolady. Al aımaqtyq sıpat jáne kredıt mólsheri 7 mıllıon bolsa, onda aıyna 50 myń teńge tóleıdi. Baǵdarlama jalpylaı ıkemdi", - deıdi ol. 

Onyń sózinshe, bes jylda Ulttyq bankke qarasty uıym trıllıon teńgedeı qarjy tarta alady. 

Eske salaıyq, 5 naýryzda Parlament palatalarynyń birlesken otyrysynda Nursultan Nazarbaev  "7-20-25" atty jańa baǵdarlamany usynǵan bolatyn.