Mamandardyń esepteýlerine qaraǵanda 2020 jylǵa qaraı Jer sharyndaǵy 50 paıyz adam búkil ómiri boıy kem degende bir dárini qoldanatyn bolady dep jazady Qamshy.kz aqparat agenttigi.

Qazirdiń ózinde 65 jastan asqandar kem degende 2-3 dárini qoldanady. Árıne, olardyń árqaısysy belgili-bir dertke qarsy qoldanylatyn aýrýǵa qarsy kómektesýshi qural bolǵanymen, olardyń zıandy jaqstary óte kóp ekeni jasyryn emes. Tipti bir-birimen aralastyryp ishýge bolmaıtyn dári-dármekter de bolady. Qandaı dárilerdi mamandar eń qaýipti dep sanaıdy? Osyǵan toqtalaıyq.

Eń birinshiden, bárimizge belgili «antıbıotıkterdi» osy jatqyzýǵa bolady. Kede óz-ózimizdiń nusqaýlyǵymyzben antıbıotık dári-dármek alyp, emdelmekshi bolamyz. Alaıda bul preparattardy jıi qoldanǵan saıyn onyń mıkrobtarǵa qarsy kúshi álsireıtinin umytpaǵan jón.

Glúkokortıkoıdter- bul gormonaldy preparattar. Olardy dárigerdiń nusqaýlyǵynsyz jıi qoldaný qant dıabetine shaldyqtyrýy múmkin.

Aýrýdy jeńildetetin, ystyqty tómendetetin dári-dármekter. Olardy jıi paıdalaný sozylmaly búırek aýrýyna, asqazan aýryna shaldyqtyrýy múmkin eken.

Vırýsqa qarsy dári-dármekter. Tumaýǵa qarsy jasalatyn dáriler toksındik qıyndyqtar týdyrýy múmkin.

Imýndyq modýlátorlar – kóptegen memleketterde dáriger nusqaýlyǵynsyz satyp alýǵa tyıym salynǵan preparattar. Mundaı dárilerdi jıi qoldaný adamnyń ımýndyq júıesiniń qalypty jumys isteýine kedergi keltiredi. Mamandardyń aıtýynsha, tipti obyr aýrýlaryna da ákep soqtyrýy múmkin.

Murynǵa tamyzýǵa arnalǵan tamshylar. Bulardyń adamnyń murynyndaǵy shyryshty qurǵatyp, qyshý, ashytý sıaqty yńǵaısyz jaǵdaılar týdyrady. Ony qoldanǵannan keıin adamda bas arýy nemese júıkesiniń syr berýi syndy problemalar týyndaýy múmkin, tipti  arterıldyq gıpertonıa men uıqysyzdyqqa shaldyqtyrýy ǵajap emes.