Almatyda kásipkerlerdiń biliktiligin arttyrýǵa baǵyttalǵan semınar uıymdastyrylýda.

Almatyda 100-ge jýyq kásipkerge biliktiligin arttyrý maqsatynda arnaıy semınar uıymdastyrylýda. Bıznesmenderge dáristi tehnıkalyq retteý jáne metrologıa salasynyń úzdik aýdıtorlary men sarapshylary oqıtyn bolady. Tipti, Belarýs elinen arnaıy maman shaqyrtylǵan. 3 sáýirde bastalǵan shara erteń de jalǵasyn tabady. Qatysýshylardyń arasynda tamaq óndirisi, mashına jasaý jáne qurylys salasy men basqa da kásiporyn qyzmetkerleri bar.

«Semınarda menedjment júıesin ıntegrasıalaý, damytý jáne paıdalaný tásilderi, basqarý júıeleriniń aýdıti boıynsha nusqaýlyq dáris oqımyn. Odan bólek, óz elimniń tájirıbesimen bólisip, týyndaıtyn másele turǵysynda áńgime qozǵalady», - dedi Belarýs memlekettik standarttaý jáne sertıfıkattaý ınstıtýtynyń sarapshy-aýdıtory Oleg Sherbach.

«Sarapshy aýdıtor Sherbachtiń baıandamasy bizge óte joǵary paıdaly. Nege deseńiz, biz endi bir Kedendik odaqta bolǵandyqtan biz qazir Reseı Federasıasymen jumys istep jatyrmyz. Solardyń talaptaryna sáıkes kóptegen jumystardyń basyn ashyp aldyq deýge bolady», - dedi «Kırov atyndaǵy mashına qurastyrý zaýyty» AQ zerthana ortalyǵynyń basshysy Roza Rgyzbaeva