Almatydaǵy Baým toǵaıyn túrlendirýge ınvestorlar da at salysatyn bolady. Demalys ornynda jaryqtandyrý júrgizilip, oryndyqtar, qoqys jáshikteri ornatylady. Qazir onyń jobasy ázirlenýde. Odan bólek, byltyrǵy jyldyń aıaǵynda qalanyń balansyna ótken toǵaıda senbilik sharalary kóptep uıymdastyrylmaq. Segiz aýdannyń oqýshylary halyqaralyq qustar kúnin atap ótti.

Qos qanattylardy qorǵaý kúni 1906 jyldan beri atalyp keledi. Negizgi maqsat -azaıyp bara jatqan qus túrin udaıy qorǵaý jáne jurtshylyqtyń tabıǵatqa degen janashyrlyǵyn arttyrý. Al almatylyqtar qustarǵa degen qamqorlyq kúnin atap ótýge 10 jyldan asa ýaqyttan beri qatysyp júr. Qalamyzdyń 8 aýdany at salysqan aksıa barysynda, qos qanattylarǵa aǵashtan 10-nan asa qus uıashyǵy ornatyldy.

Sharanyń Baým toǵaıynda ótkizilýiniń óz sebebi bar. Buǵan deıin  İle-Alataý ulttyq tabıǵı saıabaǵyna tıesili bolǵan orman byltyr qala balansyna berilgen bolatyn. Endi kútimsiz qalǵan aýmaqty kórkeıtý myqtap qolǵa alynbaq. Ony túrlendirýge ınvestorlar da tartylmaq. Atap ótkende, jaryqtandyrý júrgizilip, oryndyqtar, qoqys jáshikteri ornatylady.

«Ol boıynsha joba daıyndaýmymyz kerek. Bul boıynsha eń bastysy -  memlekettik búdjetten emes. Múmkindik bolsa, ınvestorlar arqyly jasaý. Keıbir jumystardy qalanyń qarjysyna jasaý kózdelgen. Naqty shyǵyndardyń kólemi anyqtalyp jatyr. Óıtkeni bizge jańadan ótip jatyr», - dedi «Medeý» óńirlik tabıǵı parki dırektorynyń orynbasary Arman Shatyrbekov.

Qazirgi tańda Baým toǵaıynda 110 myńǵa jýyq aǵash bar. Aty áıgili ormanǵa sanıtarlyq jumystarda jasalady. Qazir qansha aǵashtyń shirigenin, qanshasyn kesý qajet ekeni zerttelip jatyr eken.  Onda sońǵy ret aǵash osydan 10 jyl buryn otyrǵyzylypty. Aldaǵy ýaqytta munda senbilik ótkizilmek.