Almatydan SHQO-ǵa gýmanıtarlyq kómek jóneltildi.

Sý tasqynynan tarshylyq kórip otyrǵan Aıagózdiń halqyna syrttan oralǵan qandastar gýmanıtarlyq kómek kórsetti. Qaıyrymdy jandar qıynshylyqqa tap bolǵan shyǵystyń jurtyna  járdem retinde bir kamaz taýardy taǵy jóneltti. «Nur Otan» partıasynyń Almaty  qalalyq fılıaly 3 jarym mıllıon teńge jınap, aqshany arnaıy ashylǵan esepshotqa aýdardyq deıdi.

Almaty turǵyndary tasqyn shaıǵan Aıagóz aýdanyna qajetti kómekti jınaý úshin 2 apta azyq-túlik pen kıim-keshekti jetkizgen. Arnaıy qabyldaý ortalyqtary qalanyń 8 aýdanynda qyzmet kórsetti. Nátıjesinde, jınalǵan kómektiń kólemi 2 tonnaǵa jetken. Oǵan qosa, tabıǵat apatynan zardap shekkenderge arnaıy ashylǵan «Bolashaq Aıagóz» esepshotyna 3,5 mıllıon teńge qarjy aýdarylǵan.

«Buzylmaıtyn taǵamdar: kúrish, un, qant, makaron, vermıshel sekildi azyq-túlikterdi ǵana jiberip otyrmyz. Óıtkeni ózderińiz bilesizder, bir táýlikten asa jol júredi. Sondyqtan kez kelgen taǵamdy, mysaly, basqa maı sekildi olardy biz jóneltpeımiz. Tek jyly kıimder, syrtqy kıimder, balalardyń kıimderi oıynshyqtar bar arasynda. Sonyń barlyǵy endi az da bolsa  sol jerdegi qıyndyq kórip otyrǵan aǵaıyndarymyzǵa almatylyqtardyń qol ushy dep esepteımiz», - dedi «Nur Otan» partıasy Almaty qalalyq fılıaly tóraǵasynyń orynbasary Qaıym-Munar Tábeev.

Baspanasyz qalyp, barynan aıyrylǵan alystaǵy aıakózdik aǵaıynǵa  Qytaıdan kelgen qandastarda  qap-qap kıim, qapshyq toly tamaq jiberip jatyr. Qandas kásipkerler qıyn kezde qol ushyn sozý qara sýyqta qalǵan jandardyń qajetin tolyq ótemesede  jandaryna jylý sılap, halyqtyń ózderimen birge ekendikterin bildirý deıdi. Un, kúrish, makaron, suıyq maı syndy uzaq saqtalatyn 12 tonna tamaqty túgel tıedi. Qıyn sátte jumyla bilgen qandastar jınalǵan zattar aýyldaǵy  400 otbasyn keminde bir apta asyraýǵa bolady deıdi.

«Osy alǵan zatymyz qıynshylyq bolǵan otbasyǵa tıse deımiz. Olarǵa, halyqqa aıtatynymyz, qıynshylyq bolǵan Aıagóz halqyna, basqa da qıynshylyq bolyp jatqan halyqqa biz árqashan birgemiz. Olardyń basyna týǵan kúnge qaıǵysyn biz ortaqpyz», - dedi  kásipker Qanat Tumarbek.

Belsendiler jınalǵan júkti jetkizý úshin jolǵa shyqpaq. Ol kómekke muqtajdarǵa sársenbi kúni tabystalatyn bolady.