Almatydaǵy Jibek joly bazarynyń basshylyǵy baǵany qoldan ósirip, saýdagerlerdi qan qaqsatýda. Avtobólshek satatyn ortalyqta nanyn taýyp otyrǵandar konteınerdi jalǵa alý aqysynyń kúrt artýyna narazylyǵyn bildirip búgin bas kóterdi. Alaıda olardy tyńdap jatqan eshkim joq, dep jazady ktk.kz .

- Almatydaǵy Jibek joly bazarynan jik shyqty. Saýdagerler ákimshiliktiń esh eskertpesten konteınerlerge tólenetin baǵanyń kóterilýine narazylyq bildirýde.  Al bazar basshylyǵy talapqa kónbeseńder oryndaryńdy bosatyńdar dep otyr.

Ákimshilik jalǵa beriletin oryndardyń qunyn birden on myń teńgege qymbattatyp jiberipti. Shydamnyń da shegi bar degender búgin saýdany qoıyp bazar ákimshiligi ǵımaratanynyń aldyna jınaldy. Kóbisi Jibek joly ashylǵannan osy jerde júrgender. 4-5 jyl boıy avtobólshekti arzanǵa satyp adam jınadyq. Al endi bazar qaladaǵy eń kóp halyq qatynaıtyn orynǵa aınalǵanda basshylyqtyń aıtqan rahmeti osy boldy dep ashynady saýdagerler. Erlan

Rahmanberdıev, saýdager:

-Basynda arenda 25 myń baǵany kótermeımiz degen. Adamdar alyp kelińder dedi. Basqalaryn tarttyq. Barys barlyqtan bárin jınadyq. Ol kezde bazar júrmeı turǵan. Qazir bazar júrgennen keıin jyl saıyn baǵa kóteriledi. 25- ten bastalǵan. 35 boldy. Boldy kótermeımiz dedi de 45 deıdi.

Eski bólshek satatyndar kóbinese taýarymyz keri qaıtady. Sondyqtan keıde 35 myńnyń ózin keshiktiremiz dep aǵynan jaryldy. Biraq oǵan qarap jatqan basshylyq joq. Jaǵdaı jasaýǵa kelgende taryǵatyndar 500 ge jýyq konteınerdi jaldap otyrǵandardy aıdyń aıaǵynda jaǵadan alatyn kórinedi.

Murat Ábdrahmanov, saýdager:

- Oryn joq  mashına qoıatyn. Klıentter 150 teńgesin tólep kelip aınalyp ketip qalady.

Jalǵa beriletin orynnyń ne úshin on myń teńgege qymbattaǵyn eshkim túsindire almady. Bastyq joq.  Orynbasar tyǵylyp qalǵan. Tek aqsha jınaıtyn azamat júr. Ol da mandytyp eshteńe aıtpady. Jalǵa berý baǵasy sol kúıi sheshýsiz qaldy. Saýdagerler mán-jaıdy bastyqtyń óz aýzynan estimekke bekinip tarqasty. Olar dırektor da jaǵdaıdy túsinbeı baǵany ósirse, Raıymbek dańǵylyn jaýyp tastaýdan da taıynbaıtyndaryn aıtyp otyr.