Bilimniń altyn ordasy – qarashańyraq bolyp sanalatyn ál-Farabı atyndaǵy Qazaq ulttyq ýnıversıteti stýdent damýy úshin jan-jaqty, tolyq múmkindik jasaǵan meken bolyp sanalady.
Elimizdiń ár óńirinen bilim alý úshin kelgen jastar, tek qana óz bilimderin jetildirip qana qoımaı óz qabiletterin shyńdaýyna jaǵdaı jasalǵan erekshe JOO – bul QazUÝ.
Stýdentterdiń durys áleýmettenýi úshin arnaıy Áleýmettik-tárbıe jumysy jónindegi basqarma, fakúltetterde kýratorlar, stýdenttik ózin-ózi basqarý uıymdary, stýdenttik klýb, ár túrli úıirmeler men klýbtar jumys jasaıdy.
QazUÝ-dyń tárbıe jumysy degende asa nazar aýdaryp aıta ketetin bir tusy – ýnıversıtetimizde júzege asyrylyp kele jatqan tórt áleýmettik joba. Olar «Aınalańdy nurlandyr», «QazUÝ stýdenti oqýy tıis 100 kitap», «Salamatty dene mádenıeti», «Green Campus» jobalary. Bul jobalarǵa jeke toqtalyp ótetin bolsaq, ǵylym men tehnıkanyń damyǵan zamanynda adamdardyń boıynda rýhanı qundylyqtardyń álsizdeni bara jatqan tusynda, ómirdegi jaqsylyq pen jamandyqty ajyrata bilýde, álemdi ózgertýdi adam tikeleı ózinen bastaýy kerektigin túsindiretin birege joba «Aınalańdy nurlandyr» jobasy bolyp tabylsa, ómirdi súrýdegi mańyzdy kepil densaýlyq ekendigin, jan-jaqty damýda mańyzdy oryndy sport alatyndyǵyn túsindiretin «Salamatty dene mádenıeti» jobasy bolyp tabylady. Al, «Green Campus» jobasynyń qalamyzdy, ýnıversıtetimizdi kógaldandyrýda, jasyl tehnologıany damytýda mańyzy zor. Sonymen qatar, elimizdiń belgili, ónegeli aqyn-jazýshylary, mamandarynyń saraptamasymen jasaqtalǵan kitaptar tizimi «QazUÝ stýdenti oqýy tıis 100 kitap» jobasy aıasynda daıyndaldy jáne bul joba stýdentterdiń óz ilimderin keńeıtýde qosyp jatqan úlesi kóp. Bul jobalardan bólek, sońǵy jyldary ýnıversıtetimizde «Al-Farabi Smart City» jobasy da qolǵa alynyp keledi. Bul jobanyń jastardy tárbıeleýdegi tarıhı, ıdeologıalyq róli óte úlken.
Atalǵan jobalar aıasynda ýnıversıtetimizdiń kýratorlary, stýdentteri, stýdenttik ózin-ózi basqarý uıymdary, úıirmeleri men klýbtary ár túrli formattardaǵy issharalardy uıymdastyryp keledi. Sáıkesinshe, bul stýdenttiń ózin damytýyna úlken septigin tıgizip jatqandyǵy sózsiz.
Sondaı-aq, ýnıversıtetimizde stýdentterdiń ózderiniń kóshbasshylyq, uıymdastyrýshylyq, maqsat qoıa bilýshilik jáne t.b. qabiletterin damytý úshin stýdenttik ózin-ózi basqarý uıymdary jumys jasaıdy. Al, ónerli, talantty stýdentter Ó.Joldasbekov atyndaǵy Stýdentter saraıyndaǵy stýdenttik klýbtyń jumysyna qatysa alady.
Joǵaryda baıandalǵandardyń barlyǵy, ýnıversıtettiń qoǵamdyq ómiriniń tek bir bóligi ǵana. Elimizdiń naǵyz kóshbasshylaryn, bilgir mamandaryn daıyndap jatqan qarashańyraqta áleýmettik ómir - naǵyz qyzyqqa toly orta.
Bıoalýantúrlilik jáne bıoresýrstar kafedrasynyń
profesor q.a., b.ǵ.k. Esımsııtova Z.B.
Bıoalýantúrlilik jáne bıoresýrstar kafedrasynyń
aǵa oqytýshysy Mankıbaeva S.A., Bıotehnologıa kafedrasynyń dosenti, b.ǵ.k. Ernazarova G.I.
