Qazaqstan Respýblıkasy Ulttyq Bank Basqarmasynyń 2018 jylǵy 28 mamyrdaǵy №91 qaýlysymen  29 mamyrdan bastap «Eksımbank Qazaqstan» AQ-tyń jeke tulǵalardyń depozıtterin qabyldaýǵa, bank shottaryn ashýǵa arnalǵan lısenzıasy 2018 jyldyń 29 tamyzyna deıin toqtatyldy, dep habarlaıdy Qamshy.kz aqparat agenttigi QR Ulttyq banktiń baspasóz qyzmetine silteme jasap.

Bul sheshimdi Ulttyq Bank «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasy Zańynyń 48-baby 1-tarmaǵynyń g) jáne z) tarmaqshalarynda kózdelgen negizder boıynsha prýdensıalyq normatıvter men normatıvtik quqyqtyq aktilerdi júıeli (qatarynan kúntizbelik on eki aı ishinde úsh jáne odan da kóp ret) buzǵany úshin Banktiń bank zańnamasynyń talaptaryn jekelegen buzýshylyqtarǵa qadaǵalap den qoıý sheńberinde qabyldady.