Almatydaǵy balalar juqpaly aýrýlar aýrýhanasynda Zańǵar Asqaruly esimdi bala menıngıtten saýyǵyp keledi. Oǵan irińdi menıngıt dıagnozy qoıylǵan. Bul jaıynda Zakon.kz jazady. Balanyń anasy Gúlnurdyń aıtýynsha, bala ınfeksıany aýlada oınap júrgende juqtyrýy múmkin.

— Zańǵar jobamen 23 mamyrda aýyryp qaldy. Biz sol arada jedel járdem shaqyrdyq. Olar 10 mınýtta keldi. Aýrýhanaǵa barǵan soń 30 mınýtta barlyq saraptama jasaldy, - deıdi Zańǵardyń anasy.

Bala aýrýhanaǵa jedel tynys joldarynyń vırýstyq ınfeksıasyn juqtyrdy degen kúdikpen jetkizilgen, alaıda dárigerler ıne arqyly balanyń aýrýyn anyqtaýdy usynǵan.

— Men balamnyń qaýipsizdikte ekenine 100 paıyz senimdi bolǵym keldi. Sondyqtan dárigerlerdiń aıtqanyna kelisimimdi berdim. Nátıjessinde menıngıtti anyqtady, - deıdi Gúlnur.