19 maýsymda Elbasy Nursultan Nazarbaev Shymkentke respýblıkalyq mańyzy bar qala mártebesin berý týraly jarlyqqa qol qoıdy. Al aldaǵy jyly qalaǵa bólinetin búdjet 183 mıllıardqa ulǵaıady.

Bul Habar24 habarlady.

—Qosymsha qarajat joldardyń jóndelýine, jańa mektepterdiń salynýyna, demalys oryndarynyń salynýyna, jol toraptaryna, avtobýs parkiniń jańarýyna jumsalady. Shymkentte turǵyn úı kesheni salynady. Bul - 5,5  myń «aqyldy» páter. Sheteldik kompanıa qurylysynyń alǵashqy kezeńinde ǵana 160 mlrd teńge bólýdi kózdep otyr. «Qala ishindegi qala» shaǵyn jáne orta bıznes obektileri, saýda jáne oıyn-saýyq ortalyqtary, emhanalar, saıabaqtar, aleıalar men demalys aımaqtary bar 12 toqsannan turady, - dedi Shymkent qalasy qurylys bólim basshysy Ábilseıit Rabaev.

Qalada jyl saıyn 10 myńǵa jýyq sábı dúnıege keledi. Soǵan saı qalada jańa 55 mektep salynady. Ákimdiktegilerdiń aıtýynsha,  qalanyń respýblıkalyq mańyzy bar qala atanaýy ekonomıkalyq ósimge áser etedi. Áleýmettik jáne turǵyn úı salalaryn qarjylandyrý ulǵaıtylatyn bolady. Infraqurylymdy qurylys jumystary kúsheıtiletin bolady. Onyń ishinde jaryqty, gazdy jáne sýdy júrgizý boıynsha qarqyndy jumys júrgiziledi.  Bıylǵy jyldyń sońyna deıin qalada biryńǵaı tegis jol bolady.

— Shymkent mańyzy bar qala mártebesin alǵanǵa deıingi búdjet 137 mıllıardty quraǵan, qalanyń óz kirisi – 64 mlrd, qalǵan 35-37 mlrd – oblystyq búdjet, 18 mıllıard - sýbvensıalar. Al jańa búdjet boıynsha qalanyń óz kirisi 87 mlrdty quraıdy, - dedi Shymkent qalasy ákiminiń orynbasary Gúljan Qurmanbekova.