QR Bilim jáne ǵylym mınıstri Erlan Saǵadıev jýrnalısıkany 4 jyl oqýdyń qajeti joq dep sanaıdy. Bul týraly mınıstr búgin Medıa bilim berýdi damytý máseleleri jónindegi vedomstvoaralyq keńeste aıtty, dep jazady Qamshy.kz aqparat agenttigi. 

Sonymen qatar mınıstr jýrnalısıkany 4 jyl oqýdyń qajeti joq degen pikirmen kelisetinin jetkizdi. 

– Menińshe, eń birinshi kezekte jýrnalıs ózi jazatyn salanyń mamany bolýy tıis. Eger medısına týraly jazatyn bolsa, onda dáriger bolǵany, ekonomıkany jazsa ekonomıs, bankır odan keıin jýrnalıs bolǵany jaqsy. Jýrnalıske ekonomıka týraly jazýdy, aqparatty qalaı durys berý kerek ekenin  úıretý ekonomıske qaraǵanda áldeqaıda qıyn, - dedi mınıstr.

Mınıstrdiń aıtýynsha, qazirgi ýaqytta qaralyp jatqan jańa zań jobasynda eki másele qarastyrylǵan.

— Birinshisi, endigi ýaqytta 4 jyl oqý mindetti emes. 2,5 jyl nemese 8 jyl, qalaǵanyńsha oqýǵa bolady. Másele stýdenttiń kredıttiń belgili bir sanyn jınaǵanyna baılanysty. Ekinshiden, eger sen ekonomıs bolsań ekinshi mamandyǵyń jýrnalısıka bolatyn júıe engiziledi,- dedi Erlan Saǵadıev.

Erlan Saǵadıevtyń aıtýynsha, endigi is joǵary oqý oryndaryna qalyp otyr. Olar pánaralyq baǵdarlama qurýy tıis. Sol kezde salany túsinetin, saraptama jasaı alatyn, jalpy salanyń mamany bolatyn jýrnalıser paıda bola bastaıdy.