Qazaqstandyqtar Rıga tehnıkalyq ýnıversıtetinde tegin bilim alý granttaryna ıe bola alady. Bul jaıynda Bolashaq halyqaralyq baǵdarlamlaar ortalyǵynyń saıtynda habarlandy.
Rıga tehnıkalyq ýnıversıteti (RTÝ) – Baltyq elderindegi jetekshi tehnıkalyq ýnıversıtet, 1862 jyly qurylǵan jáne Latvıanyń astanasy – Rıganyń qaq ortasynda ornalasqan.
RTÝ-da 15000 stýdent, onyń ishinde 75 elden kelgen 2000 sheteldik stýdentter bilim alady.
RTÝ bakalavr, magıstr, doktorantýra boıynsha ekonomıka, bıznes, mehanıka, ınformatıka, telekomýnıkasıa, energetıka, kólik (avıasıa, temirjol), qurylys, hımıa, medısına, qoldanbaly lıngvısıka jáne t.b. sıaqty barlyq baǵyttarda ınjenerlik jáne bıznes baǵdarlamalaryn usynady.
RTÝ kúndizgi oqý baǵdarlamalarymen (bakalavrıat, magıstratýra jáne PhD doktorantýra) qatar, biliktilikti arttyrý baǵdarlamalary, qysqa kýrstar, oqytý, tájirıbe almasý baǵdarlamalary jáne jazǵy mektepterdi usynady.
RTÝ Qazaqstan stýdentterine 20 grant bóldi.
RTÝ tómendegi baǵyttar boıynsha (oqý baǵdarlamalary) 20 (jıyrma) magıstrantqa birinshi oqý jylynda TEGİN OQÝDY ⃰ ⃰ ⃰ usynady:
- Temirjol kóligi — Railway Transport
- Kompúterlik júıeler — Computer Systems
- Telekomýnıkasıa — Telecommunications
- Avıasıalyq kólik — Aviation Transport
- Injenerlik tehnologıalar, mehanıka jáne mashına jasaý — Engineering Technologies, Mechanics and Mechanical Engineering
⃰ ⃰ ⃰ Ekinshi oqý jylyn stýdent ózi tóleıdi, BİRAQ stýdent basqa stýdenttermen birge ekinshi oqý jylynda da tegin oqýǵa Latvıa stıpendıasyna nemese Erasmýs + (basqa Eýropa elderinde tegin oqýǵa) stıpendıasyna úmitker bola alady.
Qujattardy tapsyrý tártibi:
- Onlaın tirkelý www.apply.rtu.lv
Qujattar tizimi:
- Motıvasıalyq (ýájdemelik) hat
- túıindeme
- baǵalary kórsetilgen bakalavr dıplomy
- aǵylshyn tilin biletindigin rastaıtyn qujat (IELTS 6+, TOEFL IBT 79+, TOEFL PBT 550+)Qujattardy tapsyrý merzimi — 1 tamyz.
