Irakta beısenbi kúni terorızm aıybymen ustalǵan 12 adam ólim jazasyna kesildi. Mundaı jaza túri eldiń úkimet basshysy Haıdar ál-Abadıdiń buıryǵymen bekitildi.

Frans-press agenttiginiń habarlaýynsha, Irakta jalpy alǵanda DAISH terorıstik uıymyna qatysy bar 300 adam men sheteldik 100-ge jýyq áıel ólim jazasyna kesilgen. Taǵy 700 áıel úkim shyǵarýyn kútip otyrǵan kórinedi. Olardyń ishinde 70-ke jýyǵy reseılik áıelder ekeni anyqtaldy. 19-y ómir boıyna bas bostandyǵynan aıyrylǵan.

27 naýryzda Baǵdatqa jaqyn mańynan DAISH tutqynynda bolǵan segiz adamnyń óli denesi tabylǵan. Human Rights Watch uıymynyń bas sarapshysy Belıks Vılle Nınevıa provınsıasyndaǵy sot otyrystarynyń barysyn baqylap qaıtqan eken. Aıtýynsha, sot sheshimderi kúdikke toly bolyp shyqty. Terorızmmen baılanysty Iraktyń sot isteri bazalyq normaǵa sáıkes kelmeıdi.

Amnesty International agenttiginiń málimetine sáıkes, byltyr Irak ólim jazasyna kesilgen aıyptylardyń sany boıynsha Qytaı, Iran jáne Saýd Arabıasynan keıin 4-orynǵa shyqty.