Ortalyq aýrýhananyń qyzmetkerleri káriz júıesin tekserip júrgen kezde gazdan ýlanyp qalyp, saldarynan eki santehnık pen bir medısına qyzmetkeri kóz jumǵanyn esterińizge sala keteıik. Reanımasıada jatyp, esin jıa almaı ketken marqum dáriger Danıar Mergenbaevty aqyn dosy Serikbol Qademov joqtap, óleń arnapty.
Óz kezeginde Qamshy aqparat agenttigi ajaly qudyqtan bolǵan úsh marqumnyń da otbasyna sabyr tilep, bul qazaǵa barsha Qazaq eliniń qabyrǵasy qaıysqanyn jetkizgisi keledi.
Jánnatta bol!
Men seniń ázilińmen ómir súrdim,
Qyljaqpas, qara jigit Shelektegi.
Qýraǵan taldaı qazir kóńilsizbin,
Ómirden asyl dosym sen ótkeli.
Sen barda men árqashan kóńildi edim,
Bólisip ózińmenen kóp syrymdy...
Qyzyǵymdy áketti ómir meniń,
Basa almaımyn boıdaǵy óksigimdi.
Men seniń joqtyǵyńa qalaı kónem?
Janarym túnimenen tókti jasyn...
Telmirip telefonǵa qaraı berem,
Qońyraý shalatyndaı bop turasyń.
Sene almaımyn áli de, sený qıyn,
Júregimdi aıaýsyz tilip qaıǵym...
Jánnat bolsyn máńgilik endigi úıiń,
Dosym, seni eshqashan umytpaımyn!
