11 jastaǵy qyzyn 41 jastaǵy ımamǵa bergen malaızıalyq Kelantan shtatynyń turǵyny óz áreketin túsindirdi. Bul týraly sheteldik BAQ jazdy.

Anyqtalǵandaı, kópshiliktiń ashýyn týdyrǵan bul neke jaı ǵana kelisim boıynsha jasalǵan eken. Imamnyń jas qyzdy alýynyń sebebi – otbasy qaryzǵa belshesinen batqan.

Qyzdyń ata-anasy ımamǵa shart ta qoıǵan eken. Aıtalyq, 11 jastaǵy búldirshin kúıeýiniń úıinde  16jasqa deıin turady. Alaıda bul neke jaıly bilgen Malaızıa bıligi birden bóget keltirýge kóshipti. Qazirgi ýaqytta neke qıylyp úlgergen joq.

Qalyńdyqtyń 49 jastaǵy ákesi BAQ-qa bergen suhbatynda oqıǵanyń mán-jaıyn túsindirdi. Er adamnyń sózine qaraǵanda, olar ımam Abdýla Kárimniń otbasymen jaqsy aralasatyn kórinedi. Imamnyń eki áıeli men alty balasy bar. Qyz ımamnyń birinshi áıelimen jaqsy aralasady eken. Tipti, ákesiniń bul sheshimine qyzynyń ózi de qarsy emes eken. Sebebi «jarynyń» otbasyn erekshe qurmetteıdi eken.