Kanadalyq jazýshy Maıkl Ondatjeniń «Aǵylshyn pasıent» atty romany «Altyn Býker» arnaıy ádebı syılyǵyn jeńip aldy. Bul týraly Qamshy.kz aqparat agenttigi RIA Novostı portalyna silteme jasap habarlaıdy.
Ekinshi dúnıejúzilik soǵys jaıly jazylǵan roman 1992 jyly «Býker» syılyǵyn alǵan. Keıin roman sújetine sáıkes fılm túsirildi. Onda basty rólderdi tanymal akterler Reıf Faıns pen Júlet Bınosh somdaǵan. Aıta keterligi, fılm 1996 jyly «Oskar» syılyǵyn jeńip aldy.
Al bul jolǵy úzdik syılyq romannyń ózine buıyrypty. «Altyn Býker» syılyǵynyń «Býker» syılyǵynan aıyrmashylyǵy úzdik roman qazylar alqasynyń sheshimimen emes, oqyrmandardyń daýys berý nátıjesi arqyly anyqtalady.
