Byltyr Qytaıǵa 1 mlrd dollardan asa qaryz Shrı-Lanka aqyry óz aýmaǵyndaǵy "Hambantota" aılaǵyn qytaı ıeligine berip tyndy. Afrıka qurlyǵyndaǵy AQSH-tyń basty áskerı bazasy ornalasqan Jıbýtı de osynyń kebin kıýi múmkin.

"Qytaı ózine táýeldi etip, kúmándi kelisim-sharttarǵa otyrady, jyrtqyshtyq qaryz tájirıbesin qoldanady ári korrýpsıalyq mámile jasaıdy. Osylaısha kedeı elderdi qaryz qamytyna tartyp, olardyń egemendigine qol suǵady",- dep 6 naýryz kúni málimdegen AQSH memlekettik hatshysy Reks Tılersonnyń sózinde jan bar.

"Qytaıdyń qolynda Afrıkadaǵy jetilmegen ınfraqurylymdy damytýǵa ınvestısıalyq álýet bar, alaıda olardyń bul tásili qaryzdyń ulǵaıýyna alyp keldi jáne kóptegen elde az ǵana jumys ornyn ashýmen (eger bar bolsa) shektelgen",- dep sózin tolyqtyrdy AQSH memlekettik hatshysy.

Sarapshylar bul jyrtqyshtyq tásildi "qaryz qamytynyń dıplomatıasy" atap ketken. Iaǵnı ınfraqurylymdy damytýǵa arzan "tátti" qaryz berip, ony keıin defolt sekildi qaýipti bıshikke aınaldyrady. "The Center for Global Development" ("Jahandyq damý ortalyǵy") dep atalatyn komersıalyq emes zertteý uıymy "Bir beldeý - bir jol" atty ınvestısıalyq josparǵa qatysyp otyrǵan elderdiń ekonomıkalyq qýatyn, Qytaı aldyndaǵy qaryz mólsherin, t.b. faktorlardy jan-jaqty saralaı kele, álemniń segiz elin erekshe bólip kórsetipti: Jıbýtı, Qyrǵyzstan, Laos, Maldıv, Mońǵolıa, Chernogorıa, Pákstan jáne Tájikstan.

Aıtpaqshy, Tájikstan Qytaımen shektesetin daýly aımaǵyn Qytaıǵa berip, qaryzynyń kóp bóliginen qutylǵan bolatyn.

Derekkóz: islam.kz