Almatynyń irgesindegi ózim turatyn 71-razezd aýylynda mamyr aıynan bastap aýyzsý joq. Kún qyryq gradýs kúıip tur, bizdiń aýyldyń turǵyndary isherge bir jutym sý tappaı júr. Al sýdyń kúshin kóbeıtý úshin ákimdik "qarajat joq" deıdi. Biraq qalanyń qaq ortasyna 23 mıllıonǵa tıin ornatyp, ony toǵyz aıdan keıin órteýge aqsha tabylady. Bul máseleni Alataý aýdany ákimdigi sheship beremiz degeli bir aı ótti, qalalyq ákimdikke mamyr aıynda shaǵym aıttyq.

Oraza aıynda da el-jurt dáretin alyp, meıirin qandyratyn sý tappaı sabyldy. Mine, shildeniń shilińgir ystyǵy keldi. Bizde áli sý joq. Kir jýyp, dýshqa túsý bylaı tursyn, isherge sý tappaı, jerdiń astynan shyǵatyn qum aralas laı sýdy bir-birimizden tasyp júrmiz. Alataý aýdany depýtattaryna da jeke ózim shyǵyp, kómek suradym. Kómekshileri atqaminerlerge atalǵan máseleni jetkizip, bir habaryn beretinderin aıtqan. Ázirshe habarlasqan eshkim joq. Ákimdik qalanyń kórkeıýine dep toǵyz aıdan keıin órtenetin tıinge qarajat bólgenshe, sý tappaı sandalǵan halyqtyń problemasyn sheshse ǵoı...

Aıjan Qalıeva