«Men adamdarmen alysyp keldim, biraq kerisinshe qoǵam múddesi úshin kúresýim kerek edi». Bul amerıkalyq balýan Djastın Renýdiń sózi. Bir kezderi sportshy depressıaǵa túsip, ómirden túńilip, esirtki qabyldaı bastady. Onyń Afrıkadaǵy áreketi qıyndyqtan qutylýǵa túrtki boldy. Ol pıgmeı taıpasyn quldyqtan qutqarǵan. Djastın Ren jaýlasqan eki taraptyń máselesin esh soǵyssyz sheship berdi.
Djastınniń oqıǵasy adamdar shyn qalasa jaqsy jaqqa qaraı ózgere alatynyn jáne álemniń kishkene bóligin bolsyn ózgerte alatynyn dáleldeı túsedi.
Djastın Ren bala kezinen sportqa jaqyn boldy. Bastapqy kezde ol restlıng pen grek-rım kúresine qyzyqty. Kúrespen aınalysqannan keıin tanyldy. 18 jasynan bastap kúrespen kásibı túrde aınalysa bastady. 22 jasynda The Ultimate Fighter realtı shoýyna qatysty. Oǵan túrli usynystar túse bastady. Alaıda kóp ýaqyt ótpeı sportshy esirtki qabyldap, ishimdikke áýestene bastady. Birneshe márte ózine qol jumsamaq bolǵan. Basyna túsken osyndaı qıyn jaǵdaıdan qalaı shyǵý kerektigin bilmedi. Kongonyń tropıkalyq ormanynda júrip, bútin bir taıpany quldyqtan qutqaryp alǵannan keıin ómirge qushtarlyǵy oıanǵan.
