Qazaqstannyń Ulttyq banki ár on kún saıyn "7-20-25" baǵdarlamasy boıynsha esep beredi, dep habarlaıdy sputniknews.kz.

Qazaqstannyń Ulttyq banki "7-20-25" turǵyn úı baǵdarlamasy boıynsha alǵashqy aıdyń qorytyndysyn jasady.

30 shildedegi ahýal boıynsha 749 qazaqstandyq 8,6 mıllıard teńgeden astam somaǵa nesıe alýǵa ótinish bergen. Qazir 4,8 mıllıard teńge somaǵa 422 nesıe resimdeldi.

Ulttyq bank ár 10 kún saıyn baǵdarlama barysy jaıynda esep berip otyrady. Soǵan sáıkes, alǵashqy 10 kúnde 70 nesıe, kelesi 10 kúnde 242 nesıe, sońǵy 10 kúnde 110 nesıe berilgenin kóre alamyz. 

2018 jyldyń 4 shildesinen bastap Qazaqstanda "7-20-25" ıpotekalyq baǵdarlamasy iske qosyldy. Baǵdarlamanyń sharty ataýynda kórsetilgen: 7% — paıyzdyq ústeme, 20% — bastapqy jarna, 25 – nesıeni óteý merzimi.