Qazaqstan qor bırjasynyń tańǵy sesıasynda dollardyń quny Ortasha mólsherlemede 5 teńgege ósti, dep habarlaıdy Qamshy.kz aqparat agenttigi.
Qor bırjasynda dollar quny 353,53 teńgege turaqtaǵan. Bul, keshegi 8 tamyzdaǵy dollar qunynan 5,39 teńgege qymbat. Al, aqsha aıyrbastaý oryndarynda dollar 356 teńgeden satylyp jatyr.
Osylaısha dollar quny 2016 jyldyń 11 qańtarynda Qazaqstan qor bırjasyndaǵy (KASE) tańerteńgi sesıa qorytyndysy boıynsha tirkelgen dollardyń ortasha baǵamymen teńesip, 2,5 jyldan keıin qaıtalady.
Teńgeniń dollarmen resmı baǵamy Qazaqstan qor bırjasynyń 2 sesıasynyń qorytyndysymen bekitiledi.
Ulttyq bank bir apta buryn teńgeniń álsireýin «Teńge baǵamynyń uzaq merzimdi úrdisine irgeli faktorlar áser etedi, olarǵa negizinen munaı baǵasy, negizgi saýda áriptes elderi valútalarynyń baǵamdary, sondaı-aq tólem balansynyń jaı-kúıi, ınflásıa deńgeıi, Ulttyq Banktiń bazalyq mólsherlemesi, álemdik paıyzdyq mólsherlemeler jatady», - dep túsindirgen. Sheteldik ınvestorlardyń portfeldik ınvestısıalary Qazaqstannyń valúta naryǵyna áser etý faktory retinde jeke eskerýdi talap etedi. Qazirgi ýaqytta QR baǵaly qaǵazdar naryǵynda Ulttyq Banktiń nottaryn ustaýshy beırezıdentter kóleminiń jáne aıyrbastaý baǵamynyń keri táýeldiligi baıqalady.
Sońǵy ýaqytta Federaldyq rezervtik júıesi (FRJ) monetarlyq saıasatynyń qatańdaýy aıasynda portfeldik ınvestısıalardyń áketilýine baılanysty kóptegen damýshy naryqtardyń ulttyq valútalarynyń álsireýi baıqalady, bul turǵydan Qazaqstan erekshelengen joq. Sonymen birge baǵalardyń naryqtyq konúnktýrasy jáne ekonomıka ósýiniń oń qarqyndary teńgege qoldaý kórsetti jáne qalǵan faktorlardyń álsireýshi áserin jumsartty, bul teńge baǵamynyń AQSH dollaryna qatysty salystyrmaly túrde alǵanda shamaly álsireýinde kórindi.
