Oblystyq ákimdiktiń otyrysynda mektepterdi ınternetpen qamtamasyz etý máselesi talqylandy dep habarlaıdy Qamshy.kz aqparat agenttigi SQO ákimdiginiń baspasóz qyzmetine silteme jasaı otyryp. Qazir oblystaǵy mektepterdiń 87 % keń jolaqty ınternetke qosylǵan. Petropavl men aýdan ortalyqtarynda bul kórsetkish 100 %, aýyl mektepterinde 85 % quraıdy. Jyl sońyna deıin taǵy 41 mektepke ǵalamtor jetedi. Sóıtip, jyl sońynda mektepterdiń 94 % keń jolaqty ınternetke qosylsa, ınternetpen qamtasyz etý 100 % jetedi. Degenmen, oblys ákimi oblystaǵy mektepterdiń tek 70 % ǵana WI-FI jelisine qosylǵan deıdi.
«Internet bar, WI-FI joq. Bul da qıyndyqtar týǵyzady. Ásirese, úlken mektepterge. Qyzyljar aýdanynda barlyq mektepter ınternetke qosylǵan, alaıda WI-FI jelisine tek 25 % qosylǵan. Aýdan ákimderi kelesi jyly bul baǵytqa búdjetten qarajat qarastyrsyn»,- dedi Qumar Aqsaqalov.
Óńir basshysy bul máseleni oblystyq bilim basqarmasynyń basshysy Gúlmıra Kárimovaǵa óz baqylaýyna alýdy tapsyrdy.
Aıta ketý kerek, jyl sońynda soltústikqazaqstandyq oqýshylardyń 95 % «Kúndelik.KZ» biryńǵaı aqparattyq júıesinde jumys isteı alady. Qala mektepterinde «SMART balabaqsha» jáne «SMART mektep» atty pılottyq jobalar júzege asyp jatyr.
