Búgin Qazaqstandaǵy ishki jáne kelý týrızmdi damytý maqsatynda jasalǵan memlekettik baǵdarlama men salalyq zań jobasynyń tanystyrylymy ótti. Oǵan QR Mádenıet jáne sport vıse-mınıstri Erlan Qojaǵapanov, QR «Atameken» kásipkerler palatasy, Qazaqstan Respýblıkasynyń týrızm salasy ókilderi, memlekettik mekeme ókilderi, memlekettik ishki jáne kelý týrızmdi damytý shtaby, týrızm salasyndaǵy máseleler boıynsha zań jobasyn jasaý boıynsha toptar, «NK «Kazakh Tourism» AQ, densaýlyq saqtaý, bilim, damý ınstıtýty, ulttyq kompanıalar, qoǵamdyq uıymdar qatysty.
Jıynda sóz alǵan vıse-mınıstr 2025 jylǵa qaraı Qazaqstannyń ishki jáne kelý týrızmin damytý úshin qyzmet máseleleri boıynsha zańǵa tolyqtyrýlar men ózgerister engizilgenin aıtady. Naqty aıtar bolsaq, Qazaqstandaǵy týrısik sala týraly zańǵa 27 ózgeris engizildi jáne 18 bappen tolyqty.
Memlekettik baǵdarlamany daıyndaý barysynda shetel tájirıbesi zertteldi, týrızm salasynda talmaı eńbek etip júrgen qaýymdastyq, týrısik bıznes ókilderi, ǵalymdardyń usynystary eskerildi.
Qazaqstannyń ishki jáne syrtqy týrızm salasyn damytý maqsatynda negizgi alty baǵyt irikteldi.
Olar: Týrısik ınfraqurylymdy damytý;
Vızalyq jáne kóshi-qon saıasatyn lıberaldandyrý;
Týrısik nysandar men destınasıalardyń kóliktik qoljetimdiligin arttyrý;
Týrısik brendti ilgeriletý;
Memlekettik qoldaý tıimdiligin arttyrý;
Qyzmet kórsetý men kadrlyq qamsyzdandyrýdy jetildirý.
Týrızmdi damytý maqsatynda, qazaqstandyqtar úshin Qazaqstanda saıahattaý yńǵaıly ári arzan etý, Qazaqstannyń kórikti jerlerin damytý, qyzmet kórsetý sapasyn arttyrý kózdelgen. Memlekettik baǵdarlama aıasynda týrızm salasyna qatysty barlyq máseleler qarastyryldy, ıaǵnı jol máselesin sheshý, áýe bıletterin qazaqstandyqtar úshin arzan etý, qonaq úılerdegi jaǵdaıdy jaqsartý, ondaǵy qyzmet kórsetý sapasyn arttyrý, jańa demalys oryndaryn salý, mezgildik demalys oryndaryn ashý, onda tek eresekterge ǵana emes, balalar men jetkinshekterge paıdaly ári qyzyqty ýaqyt ótkizýine jaǵdaı jasaý.
Memlekettik baǵdarlama aıasynda bir jylda Qazaqstanǵa keletin týrıserdi 4 esege arttyrý kózdelýde, ıaǵnı jylyna 13 mıllıon týrıs keledi dep josparlanýda. Ol úshin 4 mıllıard dollar ınvestısıa quıylmaq. Qazaqstandaǵy ishki jáne kelý týrızmin damytý úshin jasalǵan jospar iske asar bolsa 64 myń adam jumyspen qamtylady.
Qazaqstandaǵy Býrabaı, Alakól, Kaspıı jáne t.b teńiz ben kólderi bar kórikti jerlerdi damytý basty josparda.
Týrızmdi damytý úshin jańa qonaq úılerdi ashý, jańa jol salý, túrli demalys keshenderin, meıramhanalardy salý qajet. Memlekettik baǵdarlamany tanystyrý barysynda qyzyqty ıdeıalary men jobalary barlar áli de habarlasa alatyny aıtyldy.
Baǵdarlama aıasynda, kásipkerler Qazaqstandaǵy týrızmdi damytý maqsatynda jobany iske asyrý úshin kredıtti 20 jylǵa ala alady.
Qazaqstannyń týrızm salasyna beı-jaı qaramaıtyn azamattar jıyn barysynda tolǵandyratyn suraqtaryn qoıdy. Jıyn Facebook áleýmettik jelisinde tikeleı efırde kórsetilgendikten azamattar onlaın rejıminde óz suraqtaryn qoıyp, jaýap ala aldy.
