«Ólgen maldarǵa veterınarıalyq zerthanamen «leptospıroz» aýrýyna qorytyndy berilgen jaǵdaıda búdjet esebinen ótemaqy tólenetin bolady». Bul týraly oblystyq máslıhattyń ótken sesıasynda oblys ákimi Qyrymbek Kósherbaev málimdedi.

Esterińizge sala keteıik, 10 qarasha kúni Jańaqorǵan aýdany, Baıkenje aýyldyq okrýgi aýmaǵyndaǵy ýaq mal (qoı) qyrylý deregi tirkelgen. Mal ıesi Ahmet Rahımovtyń aıtýynsha, kelgen  - 116 bas qoı. Alaıda, aýrý oshaǵyn zertteý barysynda oblystyq komısıa 40 bas qoıdyń ólgenin naqtylady.

–Aýdandyq veterınarıalyq zerthanasyna «leptospıroz» aýrýyna jáne azyqtan ýlanýǵa kúmándi dep, patologıalyq materıal ótkizilgen. Eger dıagnoz rastalsa, mal ıesine búdjetten ótemaqy tólenedi, – dedi aımaq basshysy.

Jańaqorǵan aýdany ákimdiginiń baspasóz hatshysy Nurbol Bakırov málim etkendeı, «qazir jaǵdaı turaqty. Mal turǵan qora jaılarǵa zalalsyzdandyrý jumystary júrgizilip, tıisti veterınarıalyq sharalar atqarylyp, qatań baqylaýǵa alynǵan. Ólekseler órtelip, arnaıy mal qorymynda kómildi, mamandar zertteý jumystaryn jalǵastyrýda. Habarlama túse salysymen, aýrý mal oqshaýlanyp, sarysý jáne antıbıotıktermen emdik sharalar júrgizilgen».