Aqtóbe oblysynyń ekonomıkalyq ósimi aǵymdaǵy jyldyń on aıynda bes paıyzdy qurady.

• Memleket basshysynyń tapsyrmalaryn tıimdi iske asyrýdyń, jańa kásiporyndardy engizýdiń, qoldanystaǵy qýattardy jańǵyrtý jáne sıfrlandyrýdyń arqasynda barlyq negizgi áleýmettik-ekonomıkalyq kórsetkishterdiń qarqyndy ósýi qamtamasyz etildi,-dep atap ótti óńir basshysy.

Atap aıtqanda, ónerkásip ósimi 5,7%-dy qurap, jalpy alǵanda 1,5 trıllıon teńgeniń ónerkásip ónimi óndirildi. Óńir sondaı-aq, ekonomıkaǵa ınvestısıa tartý jaǵynan kósh basynda tur. Tartylǵan ınvestısıa eseptik kezeńde 13,6%-ǵa nemese 376  mlrd. teńgege ósken.

Oblystyń sharýalary 193 mlrd. teńgeniń ónimin óndirgen, ósim 3,6%, qoldanystaǵy SHOB sýbektileriniń sany 6,4%-dy, ıaǵnı 54 myń birlikti qurady.

Aıta ketý kerek, bıyl Aqtóbe oblysynyń bıligi «Kedergisiz bıznes» jobasyn júzege asyryp jatyr. Onyń nátıjesi SHOB óndirisiniń 31,6%-dyq rekordtyq ósimi boldy.

Osy jyldyń eki toqsany ishinde 371,5 mlrd. teńgege taýarlar men ónimder óndirildi, 2017 jyldyń osyndaı kezeńinde 282,3  mlrd. teńgege óndirilgen bolatyn.

Qurylysta jumys kólemi 6,5%-ǵa ósken, jyl basynan beri shamamen 600 myń sharshy metr turǵyn úı paıdalanýǵa berildi. Jyl qorytyndysy boıynsha 900 myń sharshy metrge jýyq turǵyn úı salý josparda bar.

Ekonomıka ósimi men áleýmettik turaqtylyq óńirdegi jumyssyzdyq deńgeıin 4,8% -dan 4,7%-ǵa deıin tómendetýge múmkindik berdi. 18,5 myń jumys orny quryldy.

Berdibek Saparbaev sondaı-aq, Prezıdenttiń eń tómengi eńbekaqyny kóterý týraly tapsyrmasyn tıimdi oryndaý úshin oblysta ekonomıkanyń barlyq sektorlaryndaǵy eńbekaqyǵa qatysty aǵymdaǵy jaǵdaıdy saraptaıtyn arnaıy top qurylǵanyn aıtty.

• Nátıjesinde búginde 42 500 teńgeden az aılyq alatyn 77 myń adam anyqtaldy. Olardyń eńbekaqylary 2019 jyldyń 1 qańtarynan bastap kóteriletin bolady. máselen, bilim berý salasynda 25 myńnan astam qyzmetkerdiń eńbekaqysy ortasha alǵanda 48,6 myń teńgege deıin kóteriledi dep kútilip otyr,-dedi sózin túıindegen oblys ákimi.