Astana qalasynda Nursultan Nazarbaev tóraǵalyǵymen "Nur Otan" partıasynyń XVIII sezi ótip jatyr. Sıez partıanyń 20 jyldyq mereıtoıyna oılastyrylǵan, dep habarlaıdy Qamshy.kz aqparat agenttigi.

Elbasy áleýmettik salaǵa asa kóńil bólý kerektigin eskerdi. Ásirese kóp balaly otbasylardy qoldaý máselesine jii toqtaldy. Úkimetke turmysy tómen kóp balaly otbasylardyń járdemaqysyn ósirý áre olarǵa arnap 40 myńǵa jýyq páter salýdy tapsyrdy. Sıezge qatysyp, Memleket basshysynyń sózin tyńdaǵan kóp balaly ana Ǵalıa Aqbasova sóz sóıledi. Óz sózinde ana Elbasyna zor alǵysyn bildirdi.

"Men qazir zeınetkermin. Biraq, zeınetkermin dep, qol qýsyryp otyrǵan joqpyn. Analar keńesiniń tóraıymymyn. Jastarǵa aqyl keńesimizdi berip, jón siltep otyratymz. Jastarǵa aıtarym: aldyńǵy býyn analardyń sabyrynan úlgi alsańyzdar deımin. Memleket kóp balaly analarǵa únemi qoldaý kórsetip keldi jáne kómekti arttyra beredi. Búgin Elbasynyń usynystaryn tyńdap, kóńilim qýanyp otyr" - degen zeınetker ana kóp balaly otbasyrǵa jasalyp jatqan jeńildikter úshin Elbasyna rızashylyǵyn jetkizdi.

"Ana retinde úlken tebirenispen qabyl aldym. Kóp balaly otbasylarǵa úlken qoldaý kórsetýińiz bolashaqqa senimdi ulǵaıtty. Qazir analar kóp balaly bolýdan qoryqpaıdy,óıtkeni ana men bala máselesi alda turǵanyn biledi", - deı kele Ǵalıa apaı Elbasyna basyn ıdi.

Ǵalıa Aqbasova – 5 bala men 11 nemere tárbıelep ósirip otyrǵan ana.

Usynǵan: Gúlim Jaqan