Astanada Olımpıada chempıony, QR eńbek sińirgen sport sheberi Marına Volnovanyń syılyǵy úshin bokstan qyzdar arasyndaǵy týrnır sońyna jetti, dep habarlaıdy Qamshy.kz aqparat agenttigi kk.sport.gov.kz saıtyna silteme jasap.

Qazaqstan boks federasıasynyń baspasóz qyzmetinen málim etkendeı, saıysta Qazaqstan, Reseı, Ýkraına, Mońǵolıa men Ózbekstannan kelgen 88 sportshy ózara baq synasty. «Týrnır - Azıa chempıonatyna daıyndyq. Óz kezeginde Azıa birinshiligi Reseıde kúzde ótetin Álem chempıonatyna daıyndyq satysy retinde qarastyrylady. Týrnırde Mońǵolıa komandasy ózin jaqsy kórsetti - 54 keli salmaqta sońǵy Álem chempıonatynyń júldegeri kelse, Ýkraına birinshi nómirdegi Marıa Bovany alyp keldi. Biz úshin bul jaqsy tájirıbe. Bizdiń komandaǵa 2000 jylǵy jas sportshylar kelip jatyr. Olar qazirdiń ózinde tájirıbesi mol sportshylarǵa ese bermeıtin dárejede», - deıdi Qazaqstannyń bokstan qyzdar quramasynyń bas bapkeri Vadım Prısájnúk.

Azıa chempıonatyna sáýir aıynda baratyn komandanyń quramyn (Bangkokta ótedi) bapker jýyq arada jasaqtaýǵa ýáde berip otyr. Onyń aıtýynsha, Olımpıada oıyndarynda qyzdar boksy boıynsha salmaq sanaty úshten beske óskeni - qyzdardy birshama jigerlendirýde. «Bıyl óte aýqymdy starttar - Azıa chempıonaty, Álem chempıonaty bolady. Meniń negizgi maqsatym - Olımpıada lısenzıasyna qol jetkizý. Bul týrnırde maǵan ásirese otandasym - Jambyl oblysynan kelgen Jansaıa Ábdiraıymovamen bolǵan kezdesý erekshe esimde qaldy. Onyń óneri keremet. Meniń oıymsha, ol álem chempıony bolady», - deıdi Volnova týrnıriniń jeńimpazy, álemniń eki dúrkin chempıony Nazym Qyzaıbaı.

Marına Volnovanyń syılyǵyna arnalǵan 2019 jylǵy týrnırdiń jeńimpazdary men júldegerleri:

48 kelide: I Alýa Balqybekova (Qazaqstan) II Áıgerim Qasenaeva (Qazaqstan) III Fortımahan Tursynbekova (Ózbekstan), Mýngýsaran Baısan (Mońǵolıa)

51 kelide: I Nazym Qyzaıbaı (Qazaqstan) II Tatána Kob (Ýkraına) III Mýhsınksın Echhergal (Mońǵolıa), Jaına Shekerbekova (Qazaqstan)

54 kelide: I Ivana Krýpená (Ýkraına) II Dına Jolaman (Qazaqstan) III Áıgerim Oshaqbaı (Qazaqstan), Balaýsa Muzdıman (Qazaqstan)

57 kelide: I Sánıa Sultanqyzy (Qazaqstan) II Dámetken Kelimbet (Qazaqstan) III Iýlıa Syplakova (Ýkraına), Vladıslava Kýhta (Qazaqstan)

60 kelide: I Rımma Volosenko (Qazaqstan) II Karına Ibragımova (Qazaqstan) III Namýn Monhor (Mońǵolıa), Sandýǵash Ábilhan (Qazaqstan)

64 kelide: I Marıa Bova (Ýkraına) II Mılana Safronova (Qazaqstan) III Shmınsksınsın Ýranbılık (Mońǵolıa), Maftýnohon Mıleıeva (Ózbekstan)

69 kelide: I Baıan Aqbaeva (Qazaqstan) II Anna Lysenko (Ýkraına) III Aqerke Baqytjan (Qazaqstan), Alma Amanqul (Qazaqstan)

75 kelide: I Nadejda Rábes (Qazaqstan) II Aıda Ońdash (Qazaqstan) III Gúlaıa Sadyqova (Qazaqstan), Araılym Bekdildá (Qazaqstan)

81 kelide: I Farıza Sholtaı (Qazaqstan) II Móldir Bazarbaeva (Qazaqstan) III Altyn Muqyshbekova (Qazaqstan), Tańsholpan Álıeva (Qazaqstan)

+81: I Lázzat Kúngebaeva (Qazaqstan) II Ýmıda Sadyqova (Qazaqstan) III Dına Islambekova (Qazaqstan), Móldir Raýshanbek (Qazaqstan)

Usynǵan: Maqpal Sembaı