Bıyl  «Altyn qalam» ádebı júldesine 10 jyl tolyp otyr. Jańa maýsymǵa jumystar 15 naýryzdan 15 qyrkúıekke deıin qabyldanady.  «Altyn qalam 2019» ádebı júldesiniń bas seriktesi -  Baýyrjan Ospanov jetekshilik etetin  «ZHERSU»  ınvestısıalyq-óndiristik korporasıasy, bas aqparattyq seriktesimiz «Rýsskoe radıo».

Bıyl joba  HALYK GROUP, sondaı-aq, Qazaqstan baspasóz klýby, "KTK", "31 telearna", Dombyra TV, "Meloman" saýda jelisi, «Qamshy.kz» aqparat agenttigi,  "Massaget.kz" jastar portaly, "Aıqyn", "Jas alash" basylymdarynyń qoldaýymen ótedi.

Baıqaýǵa qazaq jáne orys tilinde jazylǵan jumystar naýryzdyń 15-nen bastap, qyrkúıektiń 15-ne deıin qabyldanady. Oqyrmandar qazan aıynyń 1-ne deıin daýys bere alady. Ádebı týyndylardy uıymdastyrý komıtetiniń adebiet2014@gmail.com,   kenze2002@mail.ru elektrondyq poshtasyna joldaýǵa bolady. Konkýrs jaıly tolyq málimetti  júldeniń www.akalam.kz resmı saıtynan bile alasyzdar. Saıysqa túsken barlyq shyǵarma atalǵan saıtta ornalastyrylady.

Oqyrmandar tómendegi atalymdar boıynsha daýys beredi: 

1. DARABOZ. Jyldyń úzdik balalar jáne jasóspirimder shyǵarmasy
2. Jyldyń úzdik poezıasy
3. Jyldyń úzdik prozasy
4. Esenjol Dombaev atyndaǵy jyldyń úzdik satırasy
5. Jyldyń úzdik fantasıka jáne detektıv shyǵarmasy
6. Jyldyń úzdik kınosenarııi jáne dramatýrgıasy
7. Esenqul Mamanuly atyndaǵy syılyq qazaq tilinde jazylǵan úzdik romanǵa beriledi.

Alǵashqy kezeńde shyǵarmalar www.akalam.kz veb-saıtynda irikteledi. Oqyrmandar ózine unaǵan jumysqa daýys bere alady. www.akalam.kz saıtyndaǵy onlaıyn-daýys berý 6 aı boıy jalǵasady. Daýys berý aıaqtalǵan soń, ár atalym boıynsha 5 shyǵarma tańdap alynady. Saıystyń ekinshi kezeńine oqyrmandar tarapynan eń kóp upaı jınaǵan shyǵarmalar ótedi. Odan keıin júldeni uıymdastyrýshylar men joba seriktesterinen quralǵan qazylar árbir nomınasıa boıynsha jeńimpazdardy anyqtaıdy. Ótken jyldardaǵydaı saıys barysynda shyǵarma avtorlary kórsetilmeıdi.

Esenqul Mamanuly atyndaǵy bas júlde - 1 000 000 (1 mln) teńge qazaq tilinde jazylǵan úzdik romannyń avtoryna buıyrady. Sonymen qatar balalar ádebıetine arnalǵan "Daraboz" baıqaýynyń jeńimpazyna - 1 000 000 (1 mln) teńge beriledi. Qarjylaı syılyqtardy  «ZHERSU»  ınvestısıalyq-óndiristik korporasıasynyń jetekshisi Baýyrjan Ospanov taǵaıyndap otyr.  

«Altyn qalam 2019» ádebı júldesi jeńimpazdarynyń esimderi kúzde ótetin  marapattaý sharasynda jarıalanady. 

Kenje Jumanuly, «Altyn qalam» ádebı júldesin uıymdastyrýshylardyń biri: «Altyn qalam» júldesi 2009 jyly quryldy. Árıne, ol kezde baıqaýdyń 10 jyldyǵyn atap ótemiz, baıqaý jyl saıyn uıymdastyrylatyn dástúrli báıgege aınalady dep oılaǵan joqpyz. Alys-jaqyn sheteldik avtorlar óz shyǵarmalaryn jóneltip, «Altyn qalamǵa» qyzyǵýshylyq tanytady degen «úsh uıyqtasaq, túsimizge kirmegen». Kitap dúkenderine kirgende baıqaý jeńimpazdarynyń kitaptaryn kórip marqaıyp qalamyz. «Altyn qalam» halyqtyq báıgege aınalǵanyn, avtorlarymyzdyń qurmetke bólenip jatqanyn maqtan tutamyz.     

KONKÝRS JAILY:

Balalar jazýshylaryna arnalǵan «DARABOZ» baıqaýy 2006 jyly «ZHERSU» ınvestısıalyq-óndiristik korporasıasymen birlesip ashyldy. Basty maqsat – balalar jazýshylarynyń mártebesin kóterý jáne balalar ádebıetiniń sapasyn arttyrý.  

«Daraboz» baıqaýyna 11 jyl ishinde shamamen 1000 avtor báıgege qatysty. Úzdik shyǵarmalardan jınaqtalǵan «Káýsar bulaq» jáne «Chıstyı rodnık» kitaptary oqyrman nazaryna usynyldy. Jaryq kórgen kitaptar elimizdegi mektepterge jáne kitaphanalarǵa tegin taratyldy. Bul jınaqtar oqýshylar men ustazdarǵa, tárbıeshiler men ata-analarǵa jáne jalpy oqyrman qaýymǵa arnalǵan.  Bul baıqaý 2017 jyldan beri «Altyn qalam» ádebı júldesi aıasynda ótkizile bastady. 

«ALTYN QALAM» ádebı júldesi

Qazaq ádebıetiniń búgini men bolashaǵyna beı-jaı qaraı almaıtyn, qoǵamdyq qyzmettiń ár salasynda eńbek etip júrgen Dosym Satpaev, Qýat Dombaı, Kenje Jumanuly, Rasýl Jumaly jáne Aıdos Sarym sekildi azamattar aqyldasa kelip, 2009 jyly «Altyn qalam» ádebı júldesin ótkizý týraly bastama kótergen bolatyn. Maqsat – elimizdiń  rýhanı-mádenı damýyna Qazaqstan azamaty retinde óz úlesin qosý jáne jas daryndar men jańa esimderdiń qalyń jurtqa tanylýyna yqpal etý. Keıin uıymdastyrýshylar qataryn elimizge belgili tulǵalar: Arman Shoraev, Nurjan Muhamedjanova tolyqtyrdy.

Aıta ketetin jaıt, qazylar quramynda  kásibı qalamgerler, ádebıetshiler joq. Kóptiń talqysyna usynylǵan ádebı shyǵarmalardyń avtory da kórsetilmeıdi. Mundaı talaptar júldeniń ádil ótýine kepil bola alady. «Altyn qalam» baıqaý jumystaryna jazýshylar emes, oqyrmandar  baǵa beretin Qazaqstandaǵy birinshi ádebı júlde.

Uıymdastyrý komıtetiniń elektrondyq meken-jaıy:

e-mail: adebiet2014@gmail.com

87013366053 WhatsApp