Ústimizdegi jyldyń 24 sáýirinde qalamyzdaǵy baıyrǵy oqý oryndarynyń birinen sanalatyn №4 bastaýysh mektebinde mektepke engizilgen ózgerister nátıjelerin jelilik qaýymdastyq arqyly bólisý jáne tájirıbe almasý maqsatynda oqý ádistemelik semınar bolyp ótti. Aýdandaǵy ózge mektepterden kelgen otyzǵa jýyq muǵalimder ózara syndarly oqytý aıasynda is-tájirıbe bólisti. Mekteptiń İ-deńgeıli muǵalimi Raýshan Kólbaeva «Oqýshylardyń til baılyǵyn damytýda krıterııaldy baǵalaýdyń tıimdiligi», İİ-deńgeıli muǵalim Sáýle Turǵanbaeva «Daryndy jáne talantty balalardy oqytý jolyndaǵy kedergilerdi joıý» taqyryptarynda koýchıng sesıalaryn ótti. Tálimger R.Kólbaevanyń tálim alýshylary orys tili pániniń muǵalimi Gúlnar Islambekova «V zooparke», aǵylshyn tili pániniń muǵalimi Sáýle Berdarlıeva «Time» taqyryptarynda 4 «a» synybymen, ádebıettik oqý páninen «Tórt mezgildi ańsaý» taqyrybynda Tolqyn Shekerbekova 3 «d» synybymen ótken sabaqtarynda koýchıngte keńinen qoldanylǵan ádis-tásilderdi paıdalandy. Al, S.Turǵanbaevanyń tálim alýshylary Baqyt Japparova orys tili páninen 4 «a» synybymen «V zooparke», eńbek páni muǵalimi Záýre Turǵanbaeva 4 «g» synybynda «Túskıiz», dúnıetaný páninen Aqnur Bekmurzaeva 1 «d» synybymen «Úı janýarlarynyń tirshiligi» taqyryptarynda kúrdeli tapsyrmalardy túzýde tájirıbelerdi jetildirý, daryndy oqýshylarmen jumysty jolǵa qoıý maqsatynda sabaqtar ótti. Oqý úderisin jetildirýde mundaı ádistemelik semı- narlardyń bereri mol ekendigi jóninde muǵalimder men tálimgerler arasynda kásibı áńgime júrgizilip, jańa ádis- tásilderdiń tıimdiligi jóninde keńinen sóz boldy.

R.QAÝASQYZY, İ-deńgeıli muǵalim, dırektordyń oqý isi jónindegi orynbasary