Ýkraınanyń qazirgi prezıdenti Petr Poroshenko Joǵary Sot Keńesiniń múshelerin taǵaıyndaıtyn jarlyqqa qol qoıdy.

Keńes músheleriniń jańa orynyna № 217/2019 jáne № 218/2019 buıryqqa sáıkes Mıhaıl Iskakov jáne Andreı Vasılenko bekitildi. Bul qaýlysyn prezıdent óz saıtynda jarıalady dep habarlaıdy Qamshy.kz aqparat agenttigi EAD saıtyna silteme jasap

Bul máselege qatysty Ýkraınanyń Prezıdent ákimshiligi basshysynyń burynǵy orynbasary, advokat Andreı Portnov óz pikirin bildirdi. Onyń aıtýynsha, Poroshenkonyń is-áreketi bılikti tartyp alýǵa baǵyttalǵan.

–Mine, Poroshenko bılikti tikeleı tartyp alýdy bastady. Ol jaı ǵana eki adamdy Sot Keńesiniń múshesi qylyp qoımady, sonymen qatar óziniń bes jyl burynǵy zań aldyndaǵy erkindigin joǵaltyp alamyn dep qoryqty. Ol osynyń barlyǵyn jasamas buryn, aldymen ózin eshqandaı baıqaýsyz  JÚÓ (Joǵary úkimettik ókilettilik) múshesi etip saılady, osylaısha quıtyrqy áreketterin jasaı berýge múmkindik aldy",- dedi  zań qyzmetkeri.

Portnov mundaı bassyzdyqqa Ýkraına tarıhynda áli eshkim barmaǵanyn aıtyp, qyzmetin asyra paıdalandy degen aıyp taǵyp otyr.

–Ony bıliktegi ókilettiligin toqtatqan kúni qolyna kisen salyp, janyna kúzet qoıyp, sot zalyna alyp barý kerek. Jaqyn arada Poroshenko bılikten ketken kúni oǵan qatysty   talap-aryz túsiremiz,- dep zańger sózin qorytyndylady.

Jaqynda ǵana Poroshenkonyń ústinen PravıtBankke qatysty qylmystyq is júrgiziletinin aıtqanbyz.

Oqı otyryńyz: Poroshenkonyń ústinen qylmystyq is qozǵaldy

 Aýdarǵan: Bek Baıtas