Belgili telejúrgizýshi Sáýle Ábedınovanyń ústinen "alaıaqtyq" baby boıynsha, qylmystyq is qozǵaldy dep habarlaıdy Qamshy.kz aqparat agenttigi Yvision.kz saıty silteme jasap.

Basylymnyń jazýy boıynsha, Ábedınova analarǵa tezirek úı alyp berýi úshin kópbalaly analardan eki mıllıon teńgege deıin aqsha alǵan. Aldanyp qalǵanyn túsingen analar telejúrgizýshiniń ústinen shaǵymdanyp, polısıaǵa aryz jazǵan.

Quqyq qorǵaý organdarynyń ınsaıderlik aqparatyna sáıkes, qylmystyq ister qazir tirkelýde. Sonymen qatar, aryz-shaǵymdar áli de túsýde.

Al bloger Qural Seıthanulynyń aıtýy boıynsha, Sáýleniń ústinen birneshe áıel shaǵymdanǵan. Ázirge bul áıelderdiń bireýiniń ǵana esimi belgili boldy.

Satqynbekova Uljalǵas degen áıel "2019-jyldyń 31-mamyr kúni Temırázov pen Jorokov kósheleriniń qıylysynda ornalasqan Turǵyn úı basqarmasy mańynda Sáýle meni mıtıńke shyǵýǵa úgittedi. Eger mıtıńke shyqsań saǵan úı máselesin sheship beremin dep aıtty" dep shaǵym bergen.

"Ondaı áıel jaıynda Sáýle de, men de eshteńe bilmeımiz. Endi ne isteımiz? Qazaqtyń Aqjúnisi Sáýleni qalaı qutqaramyz dostar?", - dep ashyndy Qural Seıthanuly.

Al "Aqjúnis analar" chatynda mıtıń týraly da, qarjy týraly da aıtylmaǵanyn kópbalaly analar jarysa jazýda.

"Aqjúnis analar chatyn da biz de barmyz, mıtıń týraly aıtqan emes", "Sáýle eshqashan mıtıńke shaqyrǵan emes jáne zańnnyń sheńberinen aspaýdy bárimizge aıtyp otyrdy", - dep jazdy jeli oqyrmandary.