Biz búginge deıin álemdik dárejede úlken jetistik shyńdaryn baǵyndyrǵan tulǵalardyń ómirlik ustanymdary, aqyl-keńesteri, jumys rejımi syndy birshama qundy dúnıelerdi sizdik nazarǵa usynyp kelemiz. Búgin de dástúrli daǵdymyzdan jańylmaı, tórtinshi ónerkásiptik revolúsıa jaǵdaıynda ómir súrip jatqan azamattarǵa bir paıdasy tıer degen oımen Evgenıa Evlútınanyń jetistik qupıasyn ashqaly otyrmyn.

Búgingi jazbamyzdyń keıipkerine aınalǵaly otyrǵan Evgenıa Evlútına kim? Ol jetistikke qalaı jetti?

Evgenıa Evlútına - "Tochka" qarjy bankiniń negizin qalaýshy jáne holakratıanyń basshysy. Ol óziniń osy bankti aıaqqa turǵyzý kezeńinde jáne oǵan deıin qandaı baǵyttarmen jumys jasaǵanyn aıtady. Bank ıesiniń sózine súıensek, ol óziniń altyn ýaqytyn kórkem ádebıetterdi oqýǵa jumsamaǵan jáne jumys barysynda túrli komandalarmen qyzmettes bolǵan.

Onyń jumys kúni qalaı ótedi?

"Men jumys kúni uıqydan jumys ýaqytyna bir jarym saǵat qalǵanda oıanamyn. Turǵan boıda elektrondy poshtany tekseremin. Artynsha tańǵy as daıyndap, ony ózimmen birge ala shyǵamyn da, kepteliste turǵanda tamaqtanyp úlgeremin. Keńsege saǵat 8-9 shamasynda jetemin. Degenmen, negizgi jumys kúndizgi saǵat ekiden keıin qyzady", - deıdi ol.

Sonymen qatar, ol óziniń ózge de daǵdylaryn sóz etti. Bank basshysynyń aıtýynsha, ol árdaıym óziniń jalpy josparyn, óziniń júzege asyrýdy qalaıtyn maqsattaryn jáne jasalýy tıis mindetterin qaǵazǵa túsirip otyratynyn aıtady. Evgenıa óziniń oıǵa alǵan dúnıelerin Microsoft Outlook elektrondy qaǵazyna júktese de, olardy stıkerlerge jazyp, ústel ústine japsyryp qoıýdyń psıhologıalyq mańyzy bar ekenin aıtady.

Ol óziniń keńseden tys kóp júrmeıtinin, biraq keńse ishinde onlaın-kezdesýler, jınalystar ótkizip, "Tochka" núkteleri boıynsha ekskýrsıalar jasap turatynyn, jalpy jumys barysynda árdaıym qozǵalysta bolatynyn alǵa tartady. Sonymen qatar, "Tochka" bankiniń basshysy jumys ýaqyty ádette keshki saǵat 7-8 shamasynda aıaqtalǵanymen, onyń barlyq ýaqyty jumysqa arnalatynyn aıtady.

Evgenıa – basshysy. Soǵan oraı ol jeke uıymdastyrýshylyq qabileti bar komandanyń holakratıa zańdylyqtaryna saı jumys jasaýyn qadaǵalaıdy. Sonymen qatar, ol – velosıtıst. "Velosıtıst" degenimiz qyzmet kórsetýdiń jyldamdyǵyna jaýap berý degen uǵymǵa sáıkes keledi. Mine, onyń ekinshi qyzmeti – osy.

Sondaı-aq, Evgenıa birshama ýaqyttan beri tutynýshylarǵa alkogóldi ónim satý úshin jáne onlaın-kassany paıdalaný úshin lısenzıa alyp berýge kómektesetin qyzmettiń janynda júr eken. Bul qyzmetti kásip salasynda product owner dep ataıdy. Onyń aıtýynsha, onlaın-kassa qyzmetiniń aıasyn keńeıtý – negizgi maqsattarynyń biri jáne osy baǵytqa kóp ýaqytyn jumsaıdy.

"Tochka" bankiniń negizin qalaýshy bir ýaqytta birneshe qyzmetti qatar atqarý qıynǵa soǵatynyn jáne sol ártúrli baǵyttyń qyzmetine kún saıyn beıimdelýge biraz ýaqyt ketetinin tilge tıek etti. Biraq ózine barlyq baǵytty qatar atqaryp otyrý qajet bolǵandyqtan, joǵaryda aıtqan beıimdelýge ketetin ýaqytty azaıtýǵa tyrysatynyn aıtady.

Osylaı degen Evgenıa óziniń ýaqytty qalaı únemdeıtinin de jasyrýdy jón kórmegen.

"Meniń taım-menedjmentimniń negizi – kompúterdegi nemese uıaly telefondaǵy  Outlook kalendary. Men tapsyrmalardy oryndar aldynda ózim de ishine kiretin komandanyń jaǵdaıyna oraılastyramyn", - deıdi Evgenıa Evlútına.

Kásip salasyna kelgisi keletin kez-kelgen adam taım-menedjmentti bir kisideı úırenýi shart. Áıtpese, kásipte josparlanbaı jasalǵan dúnıelerdiń bári quldyraýǵa alyp keledi. Sondyqtan, ýaqytty únemdeý men tıimdi paıdalaný joldaryn qazirden bastap úırengenińiz jón.

Sondaı-aq, Evgenıa Evlútına jetistikke jetýge qajetti dúnıelerdi óz tájirıbesimen ushtastyra otyryp atap ótedi.

Onyń aıtýynsha, jetistikke jetýge eń birinshi kedergi bolatyn dúnıe – qorqynysh. Qorqynyshy basym adamdar eshqashan táýekel jasaı almaıdy. Al jetistiktiń negizgi kiltteriniń biri – táýekeldi qadam.

Mine, joǵary deńgeıdegi holakratıalyq ujymnyń basshysynyń negizgi daǵdylary osyndaı.

Eger jetistikke qol jetkizgińiz kelse, búginnen bastap áreket etińiz.

Avtor: Juldyz Muqanova