Qazaqstan prezıdenti Qasym-Jomart Toqaev Serikbaı Turymovty Mańǵystaý oblysynyń ákimi etip taǵaıyndady dep jazady Qamshy.kz aqparat agenttigi. Bul týraly 13 maýsymda Aqorda saıty habarlady.

1964 jyly týǵan Turymov 2012-2015 jyldaǵy Jańaózen qalasynyń, 2015 jyldyń shildesinen 2017 jyldyń qarashasyna deıin Aqtaý qalasynyń ákimi qyzmetin atqarǵan. Al 2017 jyldyń 31 qazanynan bastap Mańǵystaý oblysy maslıhatynyń depýtaty bolǵan. Mamandyǵy - ınjener-qurylysshy.

Mańǵystaý oblysyn buǵan deıin Eraly Toǵjanov basqarǵan.

13 maýsymda Qazaqstan prezıdenti Qasym-Jomart Toqaev Altaı Kólginovti Astana qalasy ákimi etip taǵaıyndaý týraly jarlyqqa qol qoıǵan. Kólginov buǵan deıin Batys Qazaqstan oblysy ákimi bolǵan. Toqaevtyń jarlyǵymen Kólginovtiń ornyna Ǵalı Esqalıev Batys Qazaqstan oblysy ákimi bolyp taǵaıyndaldy.