Búgin Mańǵystaý oblysynyń Beıneý aýdanyna qarasty Tájen aýylynda «Beıneý-Aqjigit-Ózbekstan Respýblıkasy» baǵytyndaǵy respýblıkalyq mańyzy bar avtokólik jolynyń ashylý rásimi ótti. Saltanatty sharaǵa Qazaqstan Respýblıkasynyń Premer-mınıstri Asqar Mamın jáne Ózbekstan Respýblıkasynyń Premer-mınıstri Abdýlla Arıpov qatysty.
Bul jańa jolmen qazaqstandyqtar Ózbekstan Respýblıkasy arqyly ózge elderge shyǵa alatyn bolady. Ortalyq Azıa elderinen Aqtaý jáne Quryq teńiz porttary arqyly Kavkaz elderi men Eýropa baǵyty boıynsha tranzıttik avtomobıl aǵyny qalyptasady.
Joldyń jalpy uzyndyǵy 85 shaqyrymdy quraıdy. Qurylys jumystary 2017 jyly bastalǵan bolatyn. Nysanǵa barlyǵy 381 adam, 155 birlik tehnıka jumyldyrylǵan.
Pikir qaldyrý