Aqtaýda halyqaralyq dárejede dzúdodan erler jáne áıelder arasynda ashyq Azıa kýbogy bastaldy.  Mańǵystaýdyń qurmetti azamaty Turar Joldybaevty eske alýǵa arnalǵan jarys halyqaralyq dzúdo federasıasynyń kúntizbesine sáıkes uıymdastyrylyp keledi. Bıylǵy týrnırge 11 elden 200-den asa sportshy keldi.

Turar Joldybaevty eske alýǵa arnalǵan dzúdo jarysy aımaqta Hİ ret bastaldy. Mańǵystaýdaǵy irgeli jarystyń ashylýyna qatysqan óńir basshysynyń orynbasary Qanybek Jumashev báseke uıymdastyrýshylaryna alǵys aıtyp, qatysýshylarǵa sáttilik tiledi.

Mańǵystaý oblysynda dzúdo sportynyń damýyna qosqan úlesi úshin Qazaqstan dzúdo federasıasynyń prezıdenti oblys basshysy Serikbaı Trumovqa alǵys jarıalady.

Bıylǵy básekege Qazaqstan quramasymen qatar Gonkong, Ońtústik Koreıa, Ispanıa, Reseı, Tájikstan, Ózbekstan, Mońǵolıa, Qyrǵyzstan elderinen kelgen 200-den asa sportshy aqtaý tatamınde óner kórsetti. Jarys jeńimpazdaryna álemdik reıtıńte upaılar qosylmaq.

Jarystyń alǵashqy kúni áıelder 48 kg, -52 kg, -57 kg da jeńimpazdardy anyqtasa,  60 kg, - 66 kg,  73 kg-da  jeńimpaz erlerdiń esimi belgeli boldy. 60 kelide júlde alǵandar qatarynda mańǵystaýlyq Baýyrjan Narbaev ta bar. Qazaqstan ulttyq quramasynyń múshesi Azıa kýbogy jolyndaǵy básekede qola júldege qol jetkizdi.

Dzúdo básekesi erteń de jalǵasady. Erteń tatamıge áıelder: - 70 kg, - 78 kg, + 78 kg -da, erler: - 81 kg, - 90 kg,  - 100 kg, + 100 kg shyǵady. Jarys jeńimpazdaryna álemdik reıtıńte upaılar qosylmaq. Atap aıtqanda  1-oryn alǵan sportshyǵa 100 upaı, 2-oryn alǵanǵa 60 upaıdan beriledi. Al 3-oryndy ıelengen dzúdoshyǵa 40 upaı qosylady.