Qala ákimi 2019 jyldyń qańtar-mamyr aıynda júrgizilgen jumystarǵa toqtalyp, osy ýaqyt aralyǵynda qurylys jumystarynyń kólemi 17,44 mlrd. teńgeni quraǵanyn málimdedi. Bul kórsetkishti jyl sońyna deıin áli de ulǵaıtý úshin jumystar júrgizilýde.

Al jalpy aýdany 278,7 myń sharshy metr turǵyn úı paıdalanýǵa berilgen. «7-20-25 ıpotekalyq» baǵdarlamasy boıynsha jyl basynan beri 410 ótinim maquldanǵan. Sonymen qatar, jıyn barysynda kópqabatty úılerdegi lıftilerdiń máselesi kóterildi. Standartqa sáıkes, lıftilerdiń jumys jasaý merzimi 25 jyl bolsa, búgingi tańda eki lıftilik úılerdiń bir lıftileri ǵana aýystyrylǵan. Qaýipsizdik úshin keıbirin shuǵyl túrde jóndep nemese aýystyrýdy talap etedi. Osy tusta Mańǵystaý oblysynyń ákimi Serikbaı Trumov isten shyqqan lıftilerdi aýystyrý úshin jergilikti búdjetten qarjy bólinetinin atap ótti.

Keńes kezinde aımaq basshysy keńinen toqtalǵan taǵy bir másele qaladaǵy qurylys jumystary. Iaǵnı, jańadan boı kóteretin ǵımarattarda zańǵa sáıkes bolý, sáýletine nazar aýdaryp, ınfraqurylym jaǵyn birinshi rette qolǵalý kerektigin atap ótti. Sondaı-aq, ol Ǵalymjan Nıazovqa birqatar naqty tapsyrmalar berdi. Atap aıtar bolsaq, búdjet qarajatyn únemdeý jáne tıimdi paıdalaný, qala tazalyǵy men kógaldandyrý jumystaryn júıeli túrde uıymdastyrý, qoǵammen ashyq baılanys ornatý maqsatynda azamattardyń ótinishterin ýaqytyly qabyldaý ári turǵyndarmen turaqty túrde kezdesetin sharalardy jıi ótkizýdi eskertti.