80 jyldyq tarıhy bar oblystyq perınataldyq ortalyqta osy kezeń ishinde 300 myńnan astam pezent dúnıege kelgen. Bul týraly «Ońtústik» aqparat ortalyǵynda ótken baspasóz máslıhatynda ortalyq bas dárigeriniń orynbasary Aqmaral Elmurzaeva málimdedi.
Búgingi tańda ortalyqta 356 adamǵa oryn bar, 600-den astam adam eńbek etedi. Zamanaýı medısınalyq quraldarmen jabdyqtalǵan jáne ozyq emdeý tehnologıalary qol
danylatyn bul medıınalyq uıymda oblystyń 12 aýdanynan kelgen qater tobyndaǵy júkti jáne bosanǵan áıelderge, sonymen qatar shamadan tys az salmaqpen týylǵan nárestelerge mamandandyrylǵan medısınalyq kómek kórsetiledi." Ortalyqqa ınvazıvtik emes SIPAP (CPAP) jabdyqtary, Reanımasıa ústeli ınfýzıondyq jáne shprıstik mólsherleýish, reanımasıa qobdıshasy, pasıent monıtory jáne de basqa medısınalyq qurylǵylar tabystaldy. Jabdyqtardyń kópshiligi shala týylǵan nárestelerdi baqylaýǵa arnalǵan. Endi, Óskemen, Semeı, Qaraǵandy qalalarynyń oblystyq perınataldyq ortalyqtary der kezinde emdik sharalaryn júrgize alatyn bolady",-dedi Aqmaral Elmurzaeva. Onyń aıtýynsha, salmaǵy 1 kg-nan aspaıtyn nárestelerdiń ómirge qalyptasý kórsetkishi 5% dan 24% deıin joǵarylaǵan.
Oǵan qosa ortalyq dárigerleri reprodýktıvti densaýlyq, otbasyn josparlaý jáne medısınalyq genetıka máseleleri boıynsha konsýltatıvtik-dıagnostıkalyq jumys júrgizedi. — Jyl saıyn oblystyq №1 perınataldyq ortalyqta 10 myńnan astam áıel jatqyzylyp, onyń árbiri jeke kóńil bólýdi talap etetin kúrdeli jaǵdaıda bosanady. Bıyldyń 5 aıynda 4093 ana bosanyp, 4192 sábı dúnıege keldi. Bul — byltyrdyń sáıkes kezeńimen salystyrǵanda 166 nárestege artyq, — dedi Aqmaral Elmurzaeva. Aıta ketý kerek, bıyl dúnıe esigin ashqan sábılerdiń 91-i egiz bolsa, 4-ýi – úshem.
