QR birinshi qarjy vıse-mınıstri Berik Sholpaqulov jyl basynan beri búdjetke túsken qarajat mólsherin aıtty dep jazady Qamshy.kz aqparat agenttigi.

«Jyl basynan beri búdjetke 4 trln 984 mlrd teńge qarajat tústi. Respýblıkalyq búdjettiń kiris jospary 102,2 paıyzǵa oryndaldy. Atalǵan aralyqtaǵy jospardan artyq 79 mlrd teńge tústi. Búdjetke salyq esebinen byltyrǵy eseppen salystyrǵanda 555 mlrd teńge artyq tústi. Qarjylyq ósim QQS (293 mlrd teńge), KTS (144 mlrd teńge), ESQ (92 mlrd teńge) esebinen», - dedi Berik Sholpanqulov.

Sondaı-aq, ol makroekonomıkalyq kórsetkishterdiń aýqymy artyp kele jatqanyn aıtty.

«Jergilikti búdjet kirisi 107,5 paıyzǵa nemese 1 trln 378 mlrd teńgege oryndaldy. Jospardan bólek 97 mlrd teńge qarajat artyq boldy. Nur-Sultan qalasynan bólek aımaqtardyń barlyǵy jospardy artyǵymen oryndady. Respýblıkalyq búdjettiń shyǵyndarynyń 98,9 paıyzy nemese 6 trln 695 mlrd teńge ıgerilgen. 72 mlrd teńge ıgerilip úlgermegen. Onyń ishinde ekonomıkalyq búdjetti únemdeý esebi – 15 mlrd teńge. Negizgi ıgerlimegen sýmma İİM (8,8 mlrd teńge), ASHM (6,2 mlrd teńge), Sıfrlyq damý qorǵanys jáne aeroǵarysh ónerkásibi mınıstrligi (6,2 mlrd teńge),  Mádenıet jáne sport mınıstrligi (4 mlrd teńge) tıesili», - dedi ol.

Sonymen qatar, vıse-mınıstr ıgerilmeı qalǵan qarajattyń sebebin túsindirip ótti.

«Ótkizilmegen konkýrstar – 4,4 mlrd teńge, onyń ishinde 3,1 mlrd teńge Sıfrlyq damý qorǵanys jáne aeroǵarysh ónerkásibi mınıstrligi tıesili. Kelisilgen jetkizýshilermen kelisimshert máselesi sheshilmegen», - dedi Berik Sholpanqulov.