Berdibek Saparbaev premer-mınıstrdiń orynbasary bolyp taǵaıyndaldy dep habarlaıdy Qamshy.kz aqparat agenttigi Aqordaǵa silteme jasap.

Osyǵan deıin Berdibek Saparbaev eńbek jáne halyqty áleýmettik qorǵaý mınıstri bolǵan edi.

"Berdibek Mashbekuly Saparbaev Qazaqstan Respýblıkasy premer-mınıstriniń orynbasary bolyp taǵaıyndalsyn, ol Qazaqstan Respýblıkasynyń eńbek jáne halyqty áleýmettik qorǵaý mınıstri qyzmetinen bosatylsyn", - delingen Aqordanyń habarlamasynda.

Ol 1953 jyly Qyzylorda oblysynyń Jańaqorǵan aýdanyndaǵy Besaryq aýylynda týǵan. Eńbek jolyn Qyzylorda oblysynyń Zadarıa keńsharynda jumysshysy bolyp bastady.

Joǵary oqý ornyn aıaqtaǵannan keıin Memlekettik eńbek jınaq kasalary respýblıkalyq basqarmasynda ekonomıs, Qazaq KSR-i Qarjy mınıstrliginde ekonomıs bolyp qyzmet atqardy.

Qazaqstan Respýblıkasy Bilim mınıstriniń orynbasary boldy, QR Prezıdenti apparatynda jáne Mınıstrler kabınetinde jumys istedi.  1995-1999 jyldary Qyzylorda oblysynyń ákimi, 1999-2002 jyldary Ońtústik Qazaqstan oblysynyń ákimi boldy.

QR Kedendik baqylaý agenttiginiń tóraǵasy, qarjy vıse-mınıstri - QR Qarjy mınıstrliginiń Kedendik baqylaý komıtetiniń tóraǵasy (2002-2006), QR Premer-mınıstr keńsesi jetekshisiniń orynbasary - QR Parlamenti Májilisindegi Úkimettiń ókili (2006-2007), QR ekonomıka jáne búdjettik josparlaý vıse-mınıstri qyzmetterin atqardy.