Atyraý túngi klýbtarynyń birinde oryn alǵan jaıtqa baılanysty Atyraý oblysy ákimshiligi qazaq halqynan keshirim surady dep jazady Qamshy.kz aqparat agenttigi.

Bul týraly osy máseleni kótergen feısbýk paraqshasynyń qoldanýshysy Shynarbek Qabıev jazdy.

"Atyraýdaǵy kóterilgen másele boıynsha Atyraý oblysy ákimshiligi Nurlan Asqaruly, onyń ishinde ishki saıasat basqarmasy basshysy Jasulan Bısembıevke alǵysymdy bildirgim keledi. Araǵa 5 mınýt ýaqyt salmaı jaǵdaıdyń aq qarasyn anyqtap, der kezinde sheshimin aldy. Meıramxana ákimshiligi bolǵan jaǵdaıǵa ókinip, keshirim surady. Syn túzelmeı, min túzelmeıdi. Azamattarǵa raxmet. Ózimizdi ózimiz túzemesek, syrttan kelip eshkim jany ashymas" delingen jazbada.

Eske sala ketsek, Shynarbek myrza túngi klýbta "Adaı" kúıine bılep jatqan jartylaı jalańash qyzdardyń vıdeosyn salyp, osy oqıǵa úshin ákimshilik qyzmetkerleriniń halyqtan keshirim suraýyn talap etken bolatyn. 

♦Atyraý túngi klýbynda jartylaı jalańash qyzdar "Adaı" kúıine bıledi (vıdeo)