Aqtaý qalasynda Ózbekstan Respýblıkasynyń bas konsýldyǵy ashyldy. Bul baýyrlas qazaq pen ózbek elderiniń arasyndaǵy dostyq qarym-qatynasty odan ári nyǵaıtý jolyndaǵy mańyzdy sharalardyń biri. Tarıhı sáttiń taǵy bir ereksheligi - Ózbekstan Respýblıkasynyń Bas Konsýldyǵy Qazaqstan Respýblıkasynyń Konstıtýsıasy kúni jáne Ózbekstan Respýblıkasynyń Táýelsizdigi kúni aıasynda ashylýda. Sondaı-aq, 2019 jyly Ózbekstan elinde Qazaqstannyń jyly dep jarıalanyp, joǵary deńgeıde uıymdastyrylýda.

- Búgin qasıetti Mańǵystaý óńirinde tarıhı sáttiń kýási bolyp otyrmyz. Josparly túrde eki halyq arasyndaǵy ejelgi, tereń tarıhy bar mádenı jáne rýhanı baılanysymyz odan ári keńeıip keledi. Eki el arasyndaǵy dostyq qarym-qatynasymyz odan ári nyǵaıa bergeı, - dep quttyqtady Mańǵystaý oblysynyń ákimi Serikbaı Trumov.

Aıta keteıik, aǵymdaǵy jyldyń 17 shildesi kúni eki eldiń Úkimet basshylarynyń qatysýymen «Beıneý-Aqjigit-Ózbekstan» respýblıkalyq mańyzy bar avtojoly saltanatty túrde ashyldy. Bul eki memleket arasyndaǵy ekonomıkalyq jobalardy iske asyrýǵa úlken serpilis beretini anyq.

2019 jyldyń tek birinshi jartyjyldyǵynda Mańǵystaý oblysynyń Ózbekstan Respýblıkasynyń arasyndaǵy taýar aınalymy 1,5 mln. AQSH dollaryn qurady. Bul kórsetkish ótken jylmen salystyrǵanda 4,3% joǵary. 

Sonymen qosa, Mańǵystaý oblysynda búgingi kúni ártúrli salada ózbek kapıtalynyń qatysýymen 33 birikken kásiporyndary jumys jasaıdy.